in

ماكو: قصة أكشن تحت الميا وفيلم جديد من نوعه

قصة حقيقية وأكشن ودراما تحت الميا وحاجات خطيرة

Mako
Mako

نزل امبارح باليل  أول اعلان تشويقي لفيلم ماكو. وماكو هو أول فيلم مصري لنيقولا معوض والممثل التركي مراد يلدريم. الفيلم بيجمع نجوم تانين زي بسمة وناهد السباعي وعمرو وهبة وسارة الشامي.

الفيلم مش زي أي حاجة شوفناها في السينما المصرية قبل كدا، التصوير والأحداث والقصة ومواقع التصوير مش عادية خالص. تعالا معانا نشوف ايه حكاية الفيلم الغريب ده!!

ماكو: فيلم مستوحي من أحداث حقيقية

زي ما شايفين في إعلان الفيلم الأحداث مليانة أكشن، والأكشن ده كله بيحصل تحت الميا. مع تقنيات السبيشيال ايفيكتس الجامدة اللي شايفينها في الإعلان، متوقعين أن الفيلم يكون عظيم.

والمشوق أكتر في الفيلم أنه مستوحي من أحداث حقيقية. والحكاية ترجع لغرق العبارة “سالم اكسبريس” في سنة 1991.

قصة فيلم جديدة علي السينما المصرية

الفيلم بيحكي عن مجموعة من 8 أصحاب بيروحوا يصوروا فيلم تسجيلي عن العبارة الغرقانة. وفي رحلة الغطس دي مش كلهم هيرجعوا للبر مرة تانية.

تحت الميا الأبطال هيواجهوا سفن غرقانة وأسماك قرش وذكريات قديمة ونوايا شريرة وحاجات هتكشف عن اللي مخبينة جواهم. فمين هيوصل للبر مرة تانية ومين هيفضل تحت الميا علي طول؟

ماكو بيجمع أحلي مجموعة ممثلين

الفيلم بيجمع نيقولا معوض، اللي بيلعب دور شريف ناهي، مع نجوم زي بسمة، والتركي مراد يلدريم، ناهد السباعي، سارة الشامي، عمرو وهبة، الفيلم تأليف أحمد حليم، ومن إخراج محمد هشام الرشيدي، ومن المقرر إطلاقه في دور العرض المصرية قريبًا.

كان المفروض الفيلم يطلع في صالات السينما في شهر مايو اللي فات ولكن بسبب جائحة الكورونا تم تأجيل الفيلم. بس كدا خلاص الفيلم هينزل في رأس السنة وأحنا متحمسين جداً اننا نمر بتجربة الفيلم في السينما.

نيقولا الفنان بيقول ايه لنيقولا الانسان؟

نيقولا مش بس ممثل جامد جداً وقمور. الفنان كمان انضم لمنظمة الصحة العالمية كسفير في مصر لحملة مكافحة مرض الأيدز. وبينشر من خلال صفحاته علي السوشيال ميديا رسايل توعوية ضد العنف وأخري بتحث علي ضرورة الفحص الوقائي ضد فيروس نقص المناعة البشري.

Nicolas Mouawad Joins “A3det Regala” as Well as Several Other Projects!

Avatar of Ahmed Dahabi

Written by Ahmed Dahabi

Contributor

What do you think?

Leave a Reply

Your email address will not be published. Required fields are marked *

eqspi11rf68 1 scaled

What other tricks Mark Zuckerberg has in his bag?

zet i6av9ru scaled

10 Tips before getting your first tattoo