لورديانة: الرقاصة اللي قلبت السوشيال ميديا في مصر

فيديو واحد من لورديانة، طالعلنا في كل حتة علي السوشيال ميديا وعامل قلبان.

في الفيديو واحدة بترقص في بيوتي سنتر، والبنت كيوت أوي وقمراية ورقصها حلو والناس ما صدقت بقي وهاتك يا شير لحد ما الدنيا اتقلبت.

مين لورديانة اللي في الفيديو دي؟

https://www.instagram.com/p/BtYZn2Mnbiq/?utm_source=ig_web_copy_link

لورديانة هي رقاصة مقيمة في مصر لكن معاها الجنسية البرازيلية.

من الأكونت بتاعها من الواضح انها بتحب الطبيعة والسفر جداً وليها صور وسط الغابات ومع الحيوانات.

https://www.instagram.com/p/Bo5hLLwnhZb/?utm_source=ig_web_copy_link

وكمان من الواضح انها بتحب تزور الاماكن الاثرية زي المعابد في اثينا واهرامات الجيزة.

بداية لورديانة علي السيوشيال ميديا في مصر

عملت قناة علي اليوتيوب وصفحة علي انستجرام، سنة 2015، علشان تعمل فيديوهات تعلم فيها الرقص الشرقي.

ليها فيديو وهي بترقص علي اغنية ويجز “دورك جاي” علي اليوتيوب.

https://www.youtube.com/watch?v=j9UfT7sFBJ8

والفيديو، اللي اتعمل خلال فترة الحظر بسبب وباء الكورونا، كان معمول علشان يسلي الناس في بيوتهم في الفترة الصعبة دي.

ايه حكاية الفيديو اللي انتشر جداً علي السوشيال ميديا

فيديو لورديانة وهي بترقص في بيوتي سنتر. الفيديو اتعمله شاير كتير اوي وفي ناس كانت بتقول انه واحدة بترقص في الأوفيس بتاعها والناس فضلت تهزر وتقول ياريت كل الشغل يبقي كدا، وناس قالت انه لورديانة رقصت في البيوتي سنتر علشان عملولها شعرها وعجبها جداً وكانت فرحانة.

الحقيقة ان الفيديو اصلا عبارة عن صفقة ما بين لورديانة والبيوتي سنتر، انهم يعملولها شعرها ببلاش في مقابل رقصة وفيديو علشان الماركتنج.

مسيرة عمل في الرقص الشرقي

لورديانة ليها ميول فنية من بداية حياتها وبتحب الفنون التعبيرية اللي بتستخدم الجسم في التعبير. جربت حاجات كتير واشكال مختلفة من الرقص، ومن ثقافات مختلفة.

رقصت التنورة ودمجت بين الرقص واليوغا.

مبدأتش مسيرة عمل احترافية في الرقص الشرقي غير من سنة واحدة بس، واللي من وقتها وهي بتحيي افراح وحفلات.

https://www.instagram.com/p/Bld7utCHI1a/?utm_source=ig_web_copy_link

بعد ما الفيديو انتشر اوي علي السوشيال ميديا وصل عدد المتابعين بتوع لورديانة لـ 200 ألف علي الانستجرام.

وده اللي احتفلت بيه بفيديو علي انستجرام ورقصت فيه علي مهرجان اخواتي تاني.

https://www.instagram.com/p/CGf9boHDAGp/?utm_source=ig_web_copy_link

لحد وقت كتابة المقال ده، عدد المتابعين علي صفحتها علي الانستجرام وصل لأكتر من 3600 متابع.