Neveen Hammad
بمناسبة مهرجان القاهرة السينمائي الدولي الـ42 اللي بتدور فعالياته دلوقتي، تخيلوا معانا إطلالات فنانات الزمن الجميل على السجادة الحمراء وأزيائهم كانت هتبقى شكلها إيه لو كانوا لسة معانا؟
نجمات زمان اتميزوا بجمال ملفت وأناقة راقية. وكانت كل نجمة منهم ليها أسلوبها الرقيق الفريد والخاص بها في التمثيل، الأسلوب اللي خلانا كلنا نعشق أفلامهم ونحب نتفرج عليهم وعلى أناقتهم وجمالهم.
وزي ما كانت أناقتهم وشياكتهم بتخطف قلوبنا واحنا شايفنهم بيمثلوا قدامنا فأكيد كنا هننبهر بيهم أكتر لو كنا شفناهم على الحقيقة على السجادة الحمراء في أهم وأكبر مهرجان في العالم العربي.
جمّعنالكم في المقال ده مجموعة من أجمل الصور لجميلات زمان بأزياء اتنوعت ما بين البنطلونات والفساتين الكاجوال وكمان الفساتين الكلاسيكية عشان نسرح بخيالنا شوية…
