يوسف جاله شلل بسبب الترامبولين – #انقذو_يوسف_ضحية_الملاهي

يوسف ولد عنده ١٤ سنة من ٥٠ يوم وقع علي رقبته في رحلة مدرسية في ملاهي ترامبولين في احد مولات 6 اكتوبر حصله كسر في الفقرات العنقية التانية والتالتة المسؤولة عن الحركة والتنفس يوسف دلوقت عنده شلل رباعي يوسف الملاهي بعد ما تكفلت بجزء من العلاج رفعت أيدها عند مرحلة العلاج الطبيعي و بحسب كلام امه، يوسف محتاج علاج طبيعي مكثف عالاقل سنة كاملة تكلفته مليون و 800 الف جنية #انقذو_يوسف_ضحية_الملاهى

تحديث: 24/1/2022

و اخيرا و بعد ايام من حملات الدعم و الهاشتاج ليوسف على السوشيال ميديا، في عيد الشرطة وزارة الداخلية قررت تتكفل بعلاج يوسف في مركز تأهيل تابع للوزارة و بكده تبدأ رحلة علاجه و يبقا الدعم من خلال الدعاء فقط

حالة يوسف دي مش الاولى بس في ايدينا نخليها الاخيرة

متودوش اولادكم لاماكن فيها العاب خطر ممكن تؤدي لاصابتهم الا لو تحت اشرافكم انتم عشان تحموهم من تقليد الفيديوهات اللي بيشوفوها على السوشيل ميديا
العاب الترامبولين مش لكل الفئات العمرية و بتستلزم طول معين للاولاد عشان يقدروا ينطوا من المسافات العالية بس للاسف مش كل الاماكن اللي بتعمل الالعاب دي بتهتم بيها