كل اللي محتاج تعرفه عن لقاح الكورونا اللي وصل مصر

لقاح فايزر وبيوتيك ولقاح سينوفاك والفرق ما بينهم

كل اللي محتاج تعرفه عن لقاح الكورونا اللي وصل مصر

العالم عِرف إننا محتاجين لقاح الكورونا من بداية ظهور الفيروس وإنتشاره علي نطاق واسع في العالم كله.

كل المؤسسات الدوائية بتحاول تلاقي لقاح ضد الفيروس اللي خلي العالم كله عايش في حالة رعب وسبب خسائر كبيرة في الأرواح.

من فبراير 2019 تم الإعلان عن أكتر من 86 لقاح شغالين عليهم في كل حتة في العالم.

لحد النهاردة مفيش غير لقاحين بس اللي اتوافق عليهم، واللي الشركات المصنعة ليهم طرحت معاهم معلومات كافية ومطمئنة بخصوص التجارب السريرية ومدي الفعالية والتركيبة الحيوية للقاح.

لقاح فايزر وبيوتيك وأول موافقة طارئة علي لقاح كورونا في الولايات المتحدة

لقاح كورونا

شركة فايز واللي موقعها في نيويورك، الولايات المتحدة الأمريكية بالتعاون مع شركة بيوتيك واللي موقعها في ألمانيا قدروا يطلعوا بأول لقاح عالمي يتم الموافقة عليه في الولايات المتحدة كلقاح طارئ ضد فيروس الكورونا.

التجارب السريرية أثبتت أن الدوا فعال بنسبة تزيد عن 96% وأن الأعراض الجانبية قصيرة المدي ليه مش خطيرة. المصدر.

وهيتم بدأ توزيع اللقاح علي الشعب الأمريكي بأولوية للعاملين في الصحة من بداية سنة 2021. المصدر.

أيه النقد اللي بيتوجه للقاح الكورونا بتاع فايزر وبيوتيك؟

اللقاح الأمريكي-الألماني بيواجه نقد واسع من العالم كله. معظم الناس خايفين من الأعراض الجانبية طويلة المدي، وده لأن التجارب السريرية في العادي بتاخد سنين لحد ما اللقاح يتوافق عليه ولكن طبقاً للظروف الحالية اللي العالم بيمر بيها الموافقة الطارئة بتيجي بعد المرور بالتجارب قصيرة المدي بس.

يعني احنا منعرفش تأثير اللقاح علي صحة الإنسان غير ضمن بضعة شهور بس.

كمان بعض الناس اللي أخدوا اللقاح بلغوا عن أعراض جانبية خطيرة، زي ارتفاع خطير في درجة الحرارة ورعشة شديدة. لدرجة أن واحد عنده 24 سنة بلغ أنه صحي وجسمه بيترعش لدرجة أنه كسر واحدة من سنانه.

لقاح الكورونا الصيني ومدي فعاليته

في المقابل عندنا تاني لقاح اتوافق عليه عاليماً وهو لقاح سينوفاك الصيني، واللي وافقت عليه الصين كلقاح طارئ ضد الكورونا وقامت بالتجارب السريرية علي مجموعة كبيرة من البشر في 10 بلاد مختلفة.

شركة سينوفاك بتدعي أن فعالية اللقاح 86% ولكن الشركة مقدرتش توفر أي مستندات من التجارب السريرية تثبت صحة الإدعاء ده. وبالتالي في قلق عام من عدم قدرة الشركة علي توفير المعلومات المهمة دي. المصدر.

أيه النقد اللي بيتوجه للقاح الكورونا الصيني؟

طبعاً بالإضافة لعدم توفر دلائل معملية تثبت مدي فعالية اللقاح، عندنا فكرة أن اللقاح أخد موافقة طارئة بعد كام شهر من التجارب السريرية بس وبالتالي مش عارفين تأثيره علي صحة الإنسان علي المدي الطويل.

أيه لقاح الكورونا اللي وصل مصر؟

لقاح كورونا

أعلنت وزيرة الصحة المصرية هالة زايد من بضعة أيام عن إستقبال مصر لأول دفعة من لقاح فيروس الكورونا الصيني سينوفاك.

اللقاح، زي ما إعلان الوزارة بيقول، هو هدية من دولة الإمارات للشعب المصري.

وأعلنت الإمارات أنها من 10 دول كانت الصين بتعمل تجاربها السريرية للقاح فيها. والتجارب السريرية هي المرحلة الأخيرة من إختبار اللقاح علي البشر. المصدر.

ولأن مصر كانت من الدول اللي شاركت في التجارب السريرية في الإمارات، استحقت تكون من أول الدول اللي تستلم اللقاح.

في إعلان تاني من الوزارة قال أن اللقاح هيتم توفيره بالمجان تماماً لكل أفراد الشعب المصري مع الأولوية للعاملين في الهيئات الطبية واللي موجودين في الصفوف الأولي في مواجهة الفيروس.

وكمان للحالات الطارئة زي مرضي الأمراض المزمنة وأصحاب أمراض المناعة، زي مرضي فيروس نقص المناعة المكتسبة HIV، وكبار السن والأطفال.

طيب ناخد اللقاح ولا خطر؟

لقاح كورونا

كل العاملين بالمنظومة الصحية في العالم كله بينصحونا ناخد اللقاح بالرغم من جهلنا بتأثيره علي المدي الطويل، طيب ليه؟

الفكرة هي فكرة أولويات، فيروس الكورونا بيكتسح العالم كله، وده فيروس تنفسي، يعني بينتقل في الهوا وبيصيب الرئتين وبالتالي نسبة انتشاره كبيرة جداً وكل ما ينتشر أكتر ويصيب بشر أكتر، الفيروس هيتعرض لحمض نووي بشري وحيواني وبكتيري أكتر وده هيسمحله يعمل طفرات جينيه ويتحول لأشكال تانيه.

منظمة الصحة العالمية خايفة جداً من تحول الفيروس لأشكال أكثر فتكاً.

في إعلان لمنظمة الصحة العالمية في التسعينات قالت: فيروس نقص المناعة المكتسبة HIV لو كان بينتقل في الهوا كان زمان البشرية انقرضت.

والرعب اللي العالم عايشة دلوقت هو تحول فيروس الكورونا لفيروس عنده قدرات علي قتل المرضي زي الـ HIV أوي أسوء، وبالتالي البشر ممكن ينقرضوا في غضون سنين قليلة.

وعلشان كدا أحنا بنضم صوتنا لصوت كل العالمين في المنظومة الصحية العالمية وبنطلب منكم تاخدوا اللقاح في أقرب وقت ممكن.

كل التفاصيل الخاصة بإتهام مخرج مصري بإعتداءات جنسية متعددة في مهرجان القاهرة السينمائي الدولي

What do you think?

Avatar of Ahmed Dahabi

Written by Ahmed Dahabi

Contributor

Leave a Reply

UNWTO and Google Host Tourism Acceleration Program in MENA

Latest: UNWTO and Google Host Tourism Acceleration Program in MENA

Morad Mostafa: A Quick Look into his Movie "Henet Ward"

Morad Mostafa: A Quick Look into his Breathtaking Movie “Henet Ward”