Ahmed Dahabi
في سنة 2003 طلعلنا برنامج ستار أكاديمي، اللي كان مكسر الدنيا وقتها وعامل أضخم نجاح اعلامي في الوطن العربي.
البرنامج كان بيجمع شباب موهوبين من الوطن العربي كله، في مبني من تلات أدوار في لبنان، مع مدربين وبيخليهم يتنافسوا علشان يطلع منهم واحد كل اسبوع ، بتصويت الجمهور، لحد ما نوصل للنهائي والفائز.
شهرة البرنامج ترجع لأنه كان بيصور المواهب لايف وبيعرضها علي قناة خاصة بيه، وكانت حياتهم اليومية في الأكاديمية بتوصلنا لحظة بلحظة.
بقينا بنتفرج علي أول Reality TV في الوطن العربي وبنستمع باللحظات الخاصة والدراما وأحياناً الفضايح اللي بتتعرض علي الشاشة لايف.
عدي 17 سنة علي الموسم الأول من ستار أكاديمي؟
واحتفالاً بمرور 17 سنة علي ستار أكاديمي قررنا نجبلكم أخبار الستارز التمانية اللي وصلوا للنهائي علشان تعرفوا هما بقوا فين دلوقت وبقوا عاملين ازاي.
محمد عطية: الفائز بالموسم الأول
محمد عطية حقق شهرة كبيرة في البرنامج والناس كانت بتحبه جداً.
لما رجع مصر عمل كام البوم نجحوا شوية وبعدها دخل عالم السينما وعمل افلام فشلت جداً.
اخر ظهور لعطية علي السوشيال ميديا كان في مجموعة صور وستوريز علي الانستجرام مع ميرنا الهلباوي.
https://www.instagram.com/p/CGLarEXlfMO/?utm_source=ig_web_copy_link
وده اللي رجعه للأضواء تاني بعد ما نشر صوره مع ميرنا الهلباوي واعلنوا ارتباطهم ببعض، وET بالعربي عملت معاهم انترفيوا علشان يحكوا تفاصيل ارتباطهم بعد فسخ ميرنا خطوبتها مع عزت صبري بأقل من شهرين، وده بعد قصة حب جامدة أوي.
في صور عطية الأخيرة علي الانستجرام، ظهر بشعر فضي وجسم رياضي وحاجة أخر سيلفر داددي.
https://www.instagram.com/p/CGf7kt-lBjW/?utm_source=ig_web_copy_link
بشار الشطبي
المغني والملحن الكويتي، واللي وصل المركز التاني في الموسم الأول.
https://www.instagram.com/p/CE1Zi4fB-Pn/?utm_source=ig_web_copy_link
عمل البومين مع روتانا بعد ستار اكاديمي وبعدها فسخ العقد في 2008 وقال ان السبب إختلافات في وجهة النظر.
عمل كام مسلسل خليجي كدا برضه، محدش سمع عنهم حاجة في مصر. وبعدها اختفي تماماً عن الأضواء.
صوره علي انستجرام مؤخراً بتبين أنه تخنان شويتين.
https://www.instagram.com/p/CGNHpWzho6X/?utm_source=ig_web_copy_link
بهاء الكافي
https://www.instagram.com/p/CDR9Q76pq6g/?utm_source=ig_web_copy_link
الممثلة والمغنية التونيسية بهاء، وصلت المركز التالت في الموسم الأول، ورغم انها كانت محبوبة جداً في البرنامج الا انها مظهرتش تاني في اي حاجة مهمة فعلاً بعد البرنامج.
https://www.instagram.com/p/CDYdDI8pE9A/?utm_source=ig_web_copy_link
اتجوزت في 2012 من واحد لبناني بعد قصة حب جامد وخلفت في 2016 بنتها جويا. ودلوقت بقت أم وبتنزل صور كيوت أوي مع أولادها وجوزها.
محمد خلاوي
https://www.instagram.com/p/BsrD4MRB2YN/?utm_source=ig_web_copy_link
المغني والملحن السعودي، كان اسمه الزعيم في ستار اكاديمي وكان الطلاب بيحبوه اوي وكان من المتوقع انه ممكن يكسب، لكنه وصل المركز الرابع.
https://www.instagram.com/p/BcICIQ6jIMY/?utm_source=ig_web_copy_link
أعتزل الفن تماماً بعد وفاة مامته وفي اخبار انه شغال علي البوم جديد هيطلع قريب.
أحمد شريف
https://www.instagram.com/p/B4nCjYpgM14/?utm_source=ig_web_copy_link
المغني التونسي اللي كان من اكتر الناس المحبوبة في البرنامج، وحقق نجاح كبير أوي بعد كدا وكان ممكن يكون نجم مهم جداً في الوطن العربي، ولكنه اختفي بسبب مشاكل عائلية.
حاول يرجع تاني مؤخراً بمشروع فني، بس ده كان مع بداية ظهور وباء الكورونا والمشروع للأسف منجحش.
صوفيا مريخ
https://www.instagram.com/p/CCgpJlqBsh8/?utm_source=ig_web_copy_link
مغنية مغربية، كانت ناجحة جداً بعد البرنامج بس اتجوزت رجل اعمال مغربي واختفت خالص عن الساحة.
وحتي صفحتها علي الانستجرام، رغم ان عندها اكتر من 37 الف متابع الا انها مش بتنزل صور كتير ومش نشيطة خالص.
مريم عطالله
https://www.instagram.com/p/CC82G9dn0gD/?utm_source=ig_web_copy_link
لسه بتنزل البومات والأراء المحافظة بتهاجمها طول الوقت لأنهم شايفينها بتستخدم ايحاءات جنسية علشان تعمل لشغلها مكانة في الساحة الفنية وبيعتبروا ده حاجة مش مقبولة خالص.
سينثيا كرم
https://www.instagram.com/p/CGeauu5DyQ6/?utm_source=ig_web_copy_link
المغنية ومقدمة البرامج اللبنانية، بقت مشهورة اوي علي تيكتوك بالفيديوهات الكوميدية اللي بتعملها، والحقيقة هي دمها خفيف أوي.
اتجوزت زميلها في الموسم الأول “برونو” .
https://www.instagram.com/p/CFw2T0RDUUw/?utm_source=ig_web_copy_link
هيلدا خليفة
https://www.instagram.com/p/CGNMOwHhyFM/?utm_source=ig_web_copy_link
اللبنانية الجميلة دخلت مجالات كتير غير الغنا، وبقت واجهة لمنتجات كتير منها برسيل وغارنيه والويز.
فتحت محل ازياء اسمه NOIRO واتجهت كمان لتقديم البرامج ،ودلوقت هتستضيف مهرجان الجونة 2020.
شوفت عدي قد ايه وقت والناس اتغيرت وحياتها راحت سكك غير بعض ازاي! حسيت ان الوقت عدي بسرعة زينا! مين كان أكتر حد بتحبه في الموسم الأول؟
