حوار مع كامل الباشا عن دوره في فيلم حظر تجول

التمثيل بيتحول من ممارسة تقنية لممارسة عفوية

حوار مع كامل الباشا عن دوره في فيلم حظر تجول

كامل الباشا هو ممثل فلسطيني، اقتحم مجال التمثيل بأدوار درامية جميلة في السينما والدراما الفلسطينية وشفناه في دور بطولة في فيلم أمير رمسيس، حظر تجول.

ما بين مهنته كممثل ومعلم قضي وقت طويل في سجون الأحتلال الإسرائيلي بسبب نشاطاته الحقوقية.

وجاتلنا الفرصة نقعد مع كامل الباشا وندردش معاه شوية عن شغله وحياته ودوره في فيلم حظر تجول.

فيلم حظر تجول لأمير رمسيس في قاعات العرض بدءا من 30 ديسمبر

ما بين النشاط الحقوقي والتمثيل والتدريس، أيه من أعمالك يقدر يعبر عن حقيقتك أكتر؟

كلها حاجات تمثلني كشخص ومع الوقت قدرت أتقنها وأستمتع وأنا بعملها، لكن التمثيل يظل الأقرب لقلبي… وممكن أقول أنه أكتر حاجة بتمثلني.

كممثل مسرح في الأساس، هل ليك طقوس معينة علشان تتقمص الشخصية وتدخل فيها؟

يعني تقدر تقول إني بستخدم التقنيات المعروفة لأي ممثل درس فن وتمثيل علشان أحضر للدور وأتدرب عليه.

كل وسيلة أو تقنية بيكون ليها خصوصيتها برضه. لكن أيه بالظبط التقنيات دي فمش عارف، مع الوقت أتحولت من ممارسة تقنية لممارسة عفوية بعملها من غير ما أعرف الكيفية.

أحنا الحقيقة كنا مصرين نعرف أزاي كامل الباشا بيعرف يلبس الشخصية بالعظمة دي، فأصرينا علي السؤال تاني وقلنا أي رخامة بقي.

أيه طقوسك للدخول جوا أي شخصية بتمثلها؟

قراءة النص والحوار مع المخرج من أهم الطقوس للدخول جوا أي شخصية.

وبعدين بيجي بناء الشخصية من حيث مواصفاتها النفسية والجسدية وكدا يعني.

بلبس الشخصية بالتعمق فيها علشان أفهمها وأحبها وأتعاطف معاها وأعرف كل فعل ورد فعل جاي منها بيكون أصله ومنبعه أيه بالظبط.

وبعدين لازم أنسي كل حاجة ومفكرش غير في اللخظة الحالية، قدام الكاميرا.

في فيلم حظر تجول، لو تقدر تغير حاجة بخصوص كتابة الدور اللي كنت بتلعبه، هتكون ايه؟

لو اقدر مش حغير أي حاجة خالص.

عندك خطط لأدوار في الدراما أو السينما المصرية في المستقبل؟

أكيد وهيتم الإعلان عنها قريب جداً.

الشخصية اللي لعبها كامل الباشا في فيلم حظر تجول كانت محورية وليها موقع مهم جداً في البناء الدرامي للفيلم ومع مرور الوقت في الفيلم كنا مبهورين بالأداء الأسطولي لكامل الباشا، لدرجة خلتنا تعاطفنا مع الشخصية بعمق ونسينا طول الفيلم أنها شخصية مكتوبة علي ورق، لكن كامل أحياها قدام الكاميرا.

مواعيد عرض فيلم حظر تجوال

What do you think?

Avatar of Ahmed Dahabi

Written by Ahmed Dahabi

Contributor

Leave a Reply

Chilling Adventures of Sabrina أنت أنهي شخصية في مسلسل

Quiz: Chilling Adventures of Sabrina أنت أنهي شخصية في مسلسل

وحيد حامد

وداعاً وحيد حامد