in

OMGOMG LoveLove AngryAngry LOLLOL WTFWTF SadSad

إعتذار مصطفي حسني عن فيديو بقاله 12 سنه، اشمعنا دلوقت وهل اعتذاره هيغير حاجة؟

هل الشخص محتاج أكتر من الإعتذار علشان يصلح ما أفسده من ثقافة جيل كامل من الشباب؟

مصطفي حسني

من حوالي 12 سنة كان الداعية الإسلامي مصطفي حسني بيقدم برنامج علي قناة اقرأ، وفي احدي حلقات البرنامج جاب مجموعة من تماثيل عرض الأزياء ولبسهم علي موضة حجاب السنة دي.

في الفيديو بيظهر مصطفي حسني وهو ماسك عصاية وبيشاور بيها علي جسم تماثيل العرض وبيوضح مفهوم الحجاب الصحيح من وجهة نظره.

تغلب علي نبرة مصطفي حسني في الفيديو السكينة المعروفة عنه وبيكمل شرح علي أجسام العارضات ازاي أن اختياراتهم في اللبس، رغم الحجاب، ما تزال بتحدد شكل جسم البنت، وبتوحي بحجم ومساحة أجزاء جسمها، واللي بيقول أنه يعتبر غلط وحرام لأنه بيستثير الشباب وبيفتنهم.

اعتذار مصطفي حسني عن الفيديو بعد 12 سنة

في الفيديو ده بيعتذر مصطفي للناس اللي الفيديو أذاهم نفسياً أو سببلهم أي شكل من أشكال الضرر، بعد ما وصلته مجموعة تعليقات علي حساباته الشخصية علي السوشيال ميديا بتقوله قد أيه الفيديو ده أذي الناس.

الإعتذار رغم أنه جاي بعد سنين طويلة أوي إلا اننا بنقدره جداً ومبسوطين أن مصطفي بيعترف بغلطه وبيعتذر.

بعض الناس، في الكومنتات علي الفيديو، كانت بتدافع عن مصطفي وبتقول أنه لا عمل ولا قال حاجة غلط أو تخالف الدين.

بيرد مصطفي عن المدافعين عنه وبيقولهم أنه كان غلطان في الطريقة اللي عرض بيها الموضوع وأضاف أن اختيار أكثر طريقة رقيقة ولطيفة  في الدعوة لله يعتبر فريضة.

استجابة مصطفي علي التعليقات اللي كانت بتدافع عن الفيديو بالطريقة دي بيوصل رسالة قوية للناس اللي عندها فكرة غلط عن الحريات الفردية واحنا فخورين جداً بتعليقه ده.

ليه فيديو مصطفي حسني القديم محتاج اعتذار؟

قبل التمانينات كانت ثقافة الشعب المصري بتحترم المرأة وبتمنحها قيمة أكبر بكتير من اللي بيحصل دلوقت.

اللي حصل أن في فترة التمانينات بدأ المصريين يسافروا ويشتغلوا في الخليج بعد إكتشاف البترول وبداية بزوغ فجر الإقتصاد الخليجي.

المصريين عاشوا النزعة الوهابية في الخليج واتأثروا بيها ونقلوها لمصر في ما يسمي بالمد الوهابي في مصر.

جيل مصطفي حسني من الدعاة هما مجرد شكل محدث لنفس الفكر الوهابي المتطرف اللي جالنا من الخليج بس في صورة مبهرجة. نفس الجيل اللي دعم المد الوهابي ودسه في قلوب المصريين زي السم في العسل. قدمه علي أنه الخير والسكينة والجمال.

والفيديو القديم، اللي مصطفي بيعتذر عنه، هو عبارة عن ملخص لتاريخ جيله من الدعاة.

أيه المشاكل في فيديو مصطفي حسني القديم؟

1- تحويل المرأة لغرض جنسي بحت وتلخيص وجودها في التأثير الجنسي علي الذكور “الشباب”، ومن ثم منح ملكية الغرض ده للذكر.

2- تحميل المرأة كامل النتائج الناشئة عن الغريزة الجنسية عند الإنسان، زي ما يكون الذكور مش عليهم أي دور في تحجيم غرائزهم الجنسية والتحكم فيها.

3- تحديد مفهوم واحد عن المرأة المحتشمة الكريمة وتحويل كل الأخريات لسافرات وعديمات الإحترام وبالتالي قتل مفهوم الحرية الفردية.

4- منح المجتمع مادة دسمة من الحجج والأعذار يستخدمها دعم المتحرشين والمغتصبين بإدعاء أن ضحية الإساءة الجنسية مخضعتش لكل شروط المرأة المحتشمة والكريمة طبقاً لمفاهيم مصطفي حسني.

يعني نقدر نقول أن مأساة الإساءات الجنسية وتبريرها اللي المرأة المصرية بتعيشها دلوقت يرجع بشكل مباشر لجيل مصطفي حسني من وجوه المد الوهابي في مصر.

هل اعتذار مصطفي حسني كفاية؟

تعليقات وبوستات كتير علي السوشيال ميديا علقت علي فيديو إعتذار مصطفي حسني وقالت أنه مش مقبول.

 عدم قبول الناس لإعتذار مصطفي حسني نابع من أن نتائج مسيرته العملية الطويلة هو وجيله من الدعاة لسه بتطارد مجتمع كامل عايش ثقافة من الإساءات الجنسية المبررة والمقدمة علي أنها جزء من الرجولة.

طيب أيه المطلوب من مصطفي حسني دلوقت؟

المطلوب منه بعد الإعتذار ده أنه يشتغل علي تغيير ثقافة الشعب اللي دمرها مع جيله من الدعاة. يستغل نفوذه علي قاعدة المعجبين بتوعه في أنه يروج لثقافة أكثر انفتاحاً وليبرالية وتقبل للأخر. 

يشتغل علي إصلاح اللي افسده جيل من الدعاة المتطرفين، لأن الإعتذار  لوحده مش كفاية. 

كل اللي محتاج تعرفه عن لقاح الكورونا اللي وصل مصر

Report

What do you think?

Avatar

Written by Ahmed Dahabi

Blogger. Interested in cinematic, literature and fashion criticism. And the flamboyant boy, vogueing in the party

Leave a Reply

Avatar

Morad Mostafa: A Quick Look into his Movie "Henet Ward"

Morad Mostafa: A Quick Look into his Breathtaking Movie “Henet Ward”

Anghami to launch Dolby Atmos Music for Anghami Plus subscribers

Annoncment: Anghami to launch Dolby Atmos Music for Anghami Plus