أخطر ١٠ فاك بويز في السينما الأمريكية

من قواعد عائلة (ستريدفورد) أن البنت البكرية (كيت) لازم ترتبط الأول عشان يسمحوا لـ(بيانكا) الأخت الصغيرة أنها ترتبط ولكن المعضلة هى أن (كيت) بتحتقر معظم الشباب اللى معاها فى المدرسة لحد ما تقابل (باتريك فيرونا)، باد بوي المدرسة، فيبدأ يغير تفكيرها عن الحياة إلى أن تكتشف سره اللى هيغير علاقتهم ببعض تماماً.

سنة الإنتاج: 1999.

 بسبب تربية عمه له على أن الستات والجواز هم مصدر تعاسة للراجل، (كونور) المصور المشهور بقى عايش على العلاقات العابرة اللى ماتتخطاش ليلة لحد ما يجي ميعاد فرح أخوه ويلاقي (كونور) أن ماضيه بيطارده وتحصل أحداث تغير تفكيره وفلسفته اللى أتربى عليها 180 درجة.

سنة الإنتاج: 2009. 

لما نقول باد بوى يبقى بنتكلم عن (داني) اللى بيلعب دوره (جون ترافولتا).

ممكن الفيلم يبقى بالنسبة لك قديم بس مافيش شك أن هو اللى حط تعريف الباد بوى في الـhighschool وستايل الجاكت الجلد والشعر اللى بيلمع والجل والموتوسيكلات والرقص وكل ما هو روش.

 سنة الإنتاج: 1978.

(جيكوب) زير النساء بيقوم بدور الأب الروحي لـ(كال) اللى لسة خارج من صدمة عاطفية وبيبدأ يعلمه أزاى يوقع البنات فى حبه وينقل له نظرته الدنيوية ليهم لحد ما طبعاً وزى كل الأفلام اللى فاتت، هيقع في حب بنت تغير شخصيته وأفكاره تماماً.

سنة الإنتاج: 2011.

خبير العلاقات العاطفية المشهور بنصايحه اللي ضد المرأة، بيمضي عقد برنامج تلفزيوني جديد، المُعدة بتاعته حياتها كلها شغل وجد ولكن بشغلهم سوا بيبدأوا يكملوا بعض وبيساعدها توقع الكراش بتاعها فى حبها .. ولكن، مش هي دي القصة كلها.

سنة الإنتاج: 2009.

(روزالي) بتدخل مسابقة وبتكسب موعد غرامي مع ممثلها المفضل (تاد هامليتون) المعروف بأدواره الرومانسية المثالية لكن اللى (روزالي) ماتعرفهوش هو أن تاد اللي بيطلع ملاك رومانسي في التليفزيون، حقيقته أنه باد بوى صايع كما يقول الكتاب.

سنة الإنتاج: 2004.

(جون تاكر) هو أشهر لاعب باسكيت في المدرسة ومرتبط بتلات بنات من ورا بعض، بتشاء الأقدار أن التلاتة يكتشفوا لعبة (جون) فيقرروا ينتقموا منه بمساعدة (كيت) اللى بترسم لهم خطة الانتقام المثالية لكن الأحداث بتتغير وبتلاقي (كيت) نفسها وقعت فى حب (جون)، وهنا تتغير الموازين.

سنة الإنتاج: 2006. 

(تايلور) شاب بيحب المشاكل وكان هيدخل السجن أكتر من مرة بسبب سلوكه العنيف وميوله الإجرامية لكن شغفه للرقص بيجمعه بـ(نورا) الباليرينا الرقيقة المجتهدة وبتبدأ تغير سلوكه وشخصيته والباد بوي بيتحول لحمل وديع، بس هى دى النهاية؟

ملحوظة: أبطال الفيلم ده (تشانينج تيتيم وجنا دوين) حبوا بعض فى الفيلم ده وأتجوزوا بعده، هو صحيح أتطلقوا بعد كدة بس ما علينا.

سنة الإنتاج: 2006.

(وودي) لاعب الأمريكان فووتبول وبطل المدرسة اللى كل البنات بتتمناه يبقى جار (نيل) البنت الدحيحة البريئة اللى ماورهاش غير المذاكرة.

بيروحوا مع المدرسة رحلة للمتحف وبيقفوا قدام تمثال من حضارة الإنكا فتقع عليهم التعويذة تخلي (نيل) تدخل فى جسم (وودي) الباد بوي وتبقى ولد وهو يدخل جسمها ويبقى بنت ومن هنا يبدأ واحد من أحلى خطوط الـRomCom.

سنة الإنتاج: 2006. 

(ويزلي) مراهق وسيم، دمه خفيف ورياضي مرتبط بأشهر بنت فى المدرسة ولكن الظروف بتتغير وبيحتاج مساعدة صديقة طفولته (بيانكا) عشان يخلي صاحبته القديمة تغير عليه وترجع له تاني بس الميكس الجميل بين شخصيتين (بيانكا) و(ويزلي) هيؤدى لمواقف كتير مضحكة وهتنتهى نهايات غير متوقعة.

 سنة الإنتاج: 2015.