Ahmed Dahabi
مرحلة ما بعد الكورونا والعزل المنزلي محتاجة فرجة رايقة ومسلسلات تضحكك من قلبك.
وعشان روقانك يهمنا، دي ترشيحات لعشر مسلسلات كوميدية خفيفة هتخرجك من أى موود وحش.
#1 Happy Endings
كلاكيت تالت مرة. ست أصدقاء عايشين بردو في نيويورك ولكن المرة دي من هويات وثقافات وديانات وأعراق مختلفة وبيحاولوا يتأقلموا مع بعض على الرغم من اختلافاتهم وطبعاً زى كل المسلسلات اللي في الليستة دي، بتواجهم مواقف كوميدية غير متوقعة هتضحكك من قلبك.
عدد المواسم: 3.
#2 Scrubs
محبي (Grey’s Anatomy) يمتنعوا عشان المسلسل ده أبعد ما يكون عن الجد.
بيحكي قصة (جون دوريان) وزمايله الدكاترة اللي كل واحد فيهم أجن من التاني والمرضى والحالات الطبية الغريبة اللي بتقابلهم في إطار كوميدي.
عدد المواسم: 9.
Leave a Reply
#3 The Office
المسلسل المفضل لكل الموظفين.
المسلسل بيحكي عن مجموعة من الموظفين بيتشاركوا في مكتب لصناعة الورق وبيوضحوا لنا الشخصيات التقليدية اللي ممكن تلاقيها في أى شركة بس بتاتش كوميدي مميز مش هيخليك توقف ضحك.
عدد المواسم: 8.
Leave a Reply
#4 Brooklyn Nine-Nine
ميكس من الجريمة والكوميديا.
القصة عن المحققين الجنائيين بقسم شرطة مدينة بروكلين وشخصياتهم الغريبة والقضايا المريبة اللي بيحققوا فيها وبيوصلوا لحلها بطرق خارجة عن المألوف.
عدد المواسم: 7.
Leave a Reply
#5 Modern Family
المسلسل بيحكي عن تلات أسر من كاليفورنيا بينهم صلة قرابة كوميدية.
العمل بيناقش المشاكل الأسرية العصرية وطرق التربية والترابط الأسري بطريقة جديدة ودمها خفيف.
عدد المواسم: 11.
Leave a Reply
#6 F.R.I.E.N.D.S
إله الـSitcom المتربع على قمة المسلسلات الكوميديا.
المسلسل عن ست أصدقاء شخصياتهم مختلفة ومميزة، أنتقلوا في التسعينات للسكن في نيويورك وبيقدروا بقوة صداقتهم أنهمم يواجهوا كل الظروف المادية والعاطفية اللي بتقابلهم.
عدد المواسم: 10.
Leave a Reply
#7 New Girl
القصة عن (جيس)، مُدرسة في مدرسة إعدادية فركشت مع حبيبها ولقيت نفسها فجأة في الشارع فبتضطر تنتقل للعيش في شقة مشتركة مع تلات شباب مختلفين عنها فكرياً وبتبدأ سلسلة من المواقف الكوميديا اللي بنراقب من خلالها طريقة تأقلمهم للعيش مع بعض.
عدد المواسم: 7.
Leave a Reply
#8 Raising Hope
(جيمي) وقع في علاقة مع سفاحة نتج عنها ولادة بنته (هوب) اللي بقى مضطر أنه يشيل مسئوليتها لوحده بعد ما مامتها أتعدمت بسبب الجرايم اللي أرتكبتها.
بيساعده أهله – اللي بردو خلفوه وهما في سن المراهقة – في تربية حفيدتهم (هوب) ومن هنا بتبدأ سلسلة من الأحداث الكوميدية اللي بتناقش قيمة وأهمية العيلة ودورها في التربية الحديثة.
عدد المواسم: 4.
Leave a Reply
#9 Two and a half Men
(تشارلي) كاتب عايش في ماليبو حياة صاخبة كلها حفلات ومغامرات نسائية ولكن بيتفاجيء بأن أخوه (آلان) أتطلق وقرر هو وابنه (جيك) ينتقلوا للعيش معاه عشان يعكروا روقان حياته.
عدد المواسم: 12.
Leave a Reply
#10 How I met your mother
يُعتبر النسخة الأحدث ومن رأيي الأنضج من مسلسل F.R.I.E.N.D.S.
فكرته عن خمس أصدقاء من مدن مختلفة أنتقلوا بردو للعيش في نيويورك، ولكن المختلف هنا هو أن لكل واحد قصة أعمق والدراما اللي فيها أقوى بكتير من F.R.I.E.N.D.S ولكن مش بيخل أبداً بالإيقاع الكوميدي والضحك القوي ده غير أن عدد الـplot twists اللي فيها فوق ما تتوقع.
