Reem Tarek
من يومين كده السوشيال ميديا كانت مقلوبة على صور عمرو دياب مع إنجي كيوان
وقالبين الموضوع ميمز وهزار كالعادة على أن عمرو دياب بيعرف يطلع من علاقات الحب بسرعة بما إنه لسه سايب دينا الشربيني
وبعد إثارة الجدل بصورهم إيه علاقة عمرو دياب بإنجي كيوان؟
تسائل الناس وجمهور الهضبة بالأخص على الصور دي وعلى طبيعة العلاقة بينهم واتضح إنها موديل إعلان الهضبة الجديد عن العطر الخاص به
والصور المتداولة دي هي لقطات من الإعلان الجديد اللي بيتصور في دبي
والجدير بالذكر إن عمرو دياب بيستعد لتصوير إعلان عطره الجديد في 22 فبراير في حفل كبير على شاطئ ناموس بدبي والإعلان من إخراج طارق العريان
وهيتم تصوير الإعلان ده على أغنية “وأنا معاك” من ألبوم عمرو دياب الجديد “يا أنا يا لأ” وتشارك في الإعلان ده الإعلامية وعارضة الأزياء إنجي كيوان
خلينا نقولكم معلومات عن إنجي كيوان ومين هي
إنجي كيوان تخرجت من الجامعة الأمريكية بدبي وهي تقيم بالإمارات وهي إعلامية مصرية ولدت بالإسكندرية
وهي سيدة ناجحة جداً وعندها شغلها الخاص وهو متجر ديكور منزلي أسسته عام 2013
كانت من ضمن فريق مراسلي برنامج “زهرة الخليج” عام 2016 على تليفيزيون أبوظبي وشاركت في برنامج “قعدة رجالة” مع نيكولا معوض وخالد سليم وقيس نجيب
قدمت بطولة الاسكواش للسيدات في الجونة قبل كدة واشتغلت في مجال القطاع المصرفي لمدة عشر سنين كمحللة استثمار ومحررة مالية
وشاركت أيضا في أكاديمية إعلامية لتطوير مهارتها في مجال الإعلام و الخطابة عشان تشارك في المؤتمرات الإعلامية و قدمت فعاليات مهرجانات الموضة
إنجي كيوان في مهرجان الجونة
بتحرص إنجي كيوان على حضور مهرجان الجونة كل سنة ودائماً بتتألق باختياراتها لفساتينها
إنجي كيوان وحياتها الزوجية
ًتزوجت إنجي كيوان من زياد فولادجار في 2009 وهو لبناني الجنسية وبتجمعهم علاقة زوجية ناجحة جدا
وهما أم وأب لولدان كريم ويوسف
بتسعى إنجي كيوان حالياً للتمثيل وبتقول إن ده شغفها من صغرها وبنعتقد إنها هتنجح كممثلة زي نجاحها كإعلامية عشان هي شخصية مجتهدة وناجحة ومخلصة لشغلها جداً
