جبنالك كل مسلسلات رمضان 2022 المصرية اللي هتتعرض على Shahid

مسلسلات رمضان

مسلسلات رمضان 2022 متنوعة و كتيرة و شكلنا هنشوف موسم مسلسلات محصلش خصوصا على شاهد عشان كده قررنا نجمع كل المسلسلات المصرية اللي هتتعرض على شاهد في رمضان في الخليج و في مصر.

رانيا و سكينة

مسلسل رانيا و سكينة بيحكي قصة رجل أعمال عنده شركات و ثروة كبيرة وعنده بنت واحدة و في يوم بيموت الراجل ده و بيسيب لبنته كل ثروته و بتتعرض بنته لمواقف صعبة بتغير في حياتها.

مسلسل رانيا و سكينة من بطولة روبي و مي عمر و احمد خالد صالح و نبيل نور الدين و محمد رضوان. من اخراج شيرين عادل و تأليف محمد صلاح العزب.

جبنالك كل مسلسلات رمضان 2022 المصرية اللي هتتعرض على Shahid مسلسل رانيا و سكينة

بطلوع الروح

بيحكي مسلسل بطلوع الروح  قصة بنت اسمها روح عايشة في مصر و لكن زوجها الارهابي بيستدرجها لوكر داعش في سوريا و بتحاول روح وقتها ان تنفد من الارهابيين لكن بتلاقي نفسها في معسكر للهاربات من التنظيم.

مسلسل بطلوع الروح بطولة  منة شلبي، إلهام شاهين، أحمد صلاح السعدني و محمد حاتم. و من ﺇﺧﺮاﺝ كاملة أبو ذكري و ﺗﺄﻟﻴﻒ محمد هشام عبية 

جبنالك كل مسلسلات رمضان 2022 المصرية اللي هتتعرض على Shahid / مسلسل بطلوع الروح

المداح 2 (اسطورة الوادي)

المداح 2 بيحكي قصة صابر (حمادة هلال) الطفل اللي تبناه ورباه إمام الجامع (أحمد بدير)،ولكن استغل هدايته في طريق الشر و مساعدة بعض أصحاب السلطة فى تجاراتهم غير المشروعة اللي بتورطه في مشاكل كتيرة جدا.

المداح 2 بطولة حمادة هلال، هبة مجدي، وأحمد عبدالعزيز، وكمال أبورية، وسهر الصايغ، وبسمة ماهر، وخالد سرحان، وأحمد فؤاد سليم، وولاء شريف، ومحمود متولي.

المسلسل من تأليف أمين جمال، وليد أبوالمجد، شريف يسري، ومن إخراج أحمد سمير فرج.

جبنالك كل مسلسلات رمضان 2022 المصرية اللي هتتعرض على Shahid / مسلسل المداح

توبة 

مسلسل توبة بيحكي قصة شاب اسمه احمد عبد السيد عبدالتواب (توبة) بيقوم بدوره احمد سعد بيعيش في منطقة شعبية في بورسعيد 7 سنين هربان من ماضيه بيدور على بداية جديدة لكن مازال ماضيه بيطارده في كل مكان.

مسلسل توبة بطولة عمرو سعد، أسماء أبو اليزيد، وماجد المصري، وصبا مبارك، وهالة فاخر، وحجاج عبد العظيم، ودياب، ومحمد لطفي، والمسلسل من تأليف ورشة من المؤلفين الشباب، ومن إخراج أحمد صالح.

جبنالك كل مسلسلات رمضان 2022 المصرية اللي هتتعرض على Shahid / مسلسل توبة

مين قال

 مسلسل مين قال بيناقش صراع الاجيال و اختلافها مابين الاباء و الابناء من خلال قصة ابن جاب مجموع في ثانوية عامة و ابوه عايزه يخش هندسة على غير رغبته لانه عايز يدخل تجارة و يفتح مشروع خاص بيه. الابن (أحمد داش) و الأب (جمال سليمان) والأم (نادين) والاخت (ديانا هشام).

المسلسل بطولة جمال سليمان، نادين، أحمد داش، ديانا هشام، أميرة أديب، هنا داود وإلهام صفي الدين و غيرهم. و هو 15 حلقة و هيتم عرضه في النصف التاني من رمضان.

مين قال من اخراج نادين خان

جبنالك كل مسلسلات رمضان 2022 المصرية اللي هتتعرض على Shahid

ملف سري

بتدور الاحداث في 2013 و بيحكي عن شخصية قاضي (هاني سلامة) اللي بيحقق في قضايا غسيل اموال و قضايا تانية كتير كانت في الفترة دي وازاي ناس كانوا بيتدخلوا في أحوال البلد. بتظهر الفنانة عائشة بن احمد و بتحصل بينها و بين هاني سلامة قصة حب.

مسلسل ملف سري من بطولة، هاني سلامة، ومحسن محي الدين، وماجد المصري، وشيرين، وإدوارد، ومادلين طبر، ونضال الشافعي، وعائشة بن أحمد، وكارولين عزمي، من تأليف محمود حجاج، وإخراج حسين البلاسي، وإنتاج فنون مصر

View this post on Instagram

A post shared by Shahid (@shahid.vod)

فاتن امل حربي

المسلسل بيناقش المشاكل الزوجية عن طريق قصة معاناة زوجة بيحصل مشاكل مابينها و بين زوجها اللي بتوصل لمحكمة الاسرة و بالتحديد بيركز المسلسل على قضية الحضانة و قانون الاحوال الشخصية بشكل عام.

بتلعب دور الزوجة نيللي كريم و الزوج شريف سلامة اللي بيحصل مابينهم مشاكل. اما هالة صدقي بتلعب دور صديقة نيللي كريم اما الفنانة فادية عبد الغني بتقوم بدور ام شريف سلامة اللي بتحرضه على زوجته.

مسلسل فاتن أمل حربي بطولة نيللي كريم، شريف سلامة، هالة صدقى، محمد الشرنوبي و فادية عبد الغنى. المسلسل من اخراج ماندو العدل و تأليف ابراهيم عيسى و من انتاج العدل جروب.

جبنالك كل مسلسلات رمضان 2022 المصرية اللي هتتعرض على Shahid / مسلسل فاتن امل حربي

احلام سعيدة

مسلسل احلام سعيدة بيحكي قصة ست من طبقة عالية بتقوم بدورها يسرا و بتحاول خلال أحداث المسلسل بمساعدة اصحابها انها تلاقي علاج للأرق اللي عندها و بيخليها تحلم بكوابيس وبتكون سبب في انها تشك في كل الناس اللي حواليها و بيحصل مشاكل سببه.

مسلسل احلام سعيدة بطولة يسرا، غادة عادل، مى كساب، انتصارو شيماء سيف. إخراج  عمرو عرفة ، ومن تأليف  هالة خليل

جبنالك كل مسلسلات رمضان 2022 المصرية اللي هتتعرض على Shahid

العائدون

مسلسل العائدون مبنى على قصة حقيقية، وأحداثه الأصلية ملف أمني معاصر حصلت من 2018 إلى 2020، وبيتكلم عن إعادة احياء الارهاب و تدويره بشكل غير تقليدي بعيد عن الصورة النمطية للرجل الارهابي و عن ازاي الدولة واجهة الارهاب و الفساد.

العائدون بطولة  أمير كرارة وأمينة خليل ومحمود عبد المغني و غيرهم كتير. ومن تأليف باهر دويدار و اخراج احمد نادر جلال.جبنالك كل مسلسلات رمضان 2022 المصرية اللي هتتعرض على Shahid

مكتوب عليا

المسلسل اجتماعي كوميدي بيحكي قصة شاب اسمه جلال (أكرم حسني) اللي بيقابل عجوز بيمسح على دراعه مادة مسحورة، اللي بيخلي من تاني يوم علطول احداث اليوم و كل اللي بيحصل مكتوب على ايده و ده بيسببله مشاكل كتير منها رجل اعمال بيحاول يستغلله فا بيحاول يلاقي علاج منه.

مسلسل مكتوب عليا بطولة أكرم حسنى، عمرو عبد الجليل، هنادى مهنا، ايتن عامر، حنان سليمان، محمد طعيمة، محمود السيسى و هلا رشدي. المسلسل من تأليف إيهاب بليبل، وإخراج خالد الحلفاوى.

المسلسل غير متوفر في مصر

View this post on Instagram

A post shared by Shahid (@shahid.vod)

جبنالك كل مسلسلات رمضان 2022 المصرية اللي هتتعرض على Shahid

الكبير اوي 6

مسلسل الكبير أوي 6 بيحكي قصة الكبير (أحمد مكي) اللي بعد فقده لمراته هدية بيواجه صعوبات كتير في تربية اولاده  التوأم جوني والعترة فا بيضطر انه يتجوز بنت عمه اسمها زادة (رحمة احمد) اللي مكنش بيحبها بس هي بتحبه من زمان و بيتجوز كتير غيرها و بيحصل له مشاكل.

اما جوني بعد ما كبر و حس انه معملش انجازات في حياته بدأ يدور على نفسه و شغفه تاني في الوقت اللي بدأت فيه السوشيال ميديا تنتشر في المزاريطة فا بدأ يعمل فيديوهات سوشيال ميديا. و حزلقوم هيكمل رحلته في البلاد اللي فيها تحديات عشان يساعدهم في حلها و يعمل ثروة و بيرجع تاني بيته هند الكبير بمشاكل كتير جدا.

مسلسل الكبير أوي 6 من بطولة أحمد مكي، بيومي فؤاد، محمد سلام، هشام إسماعيل، ليلى عز العرب و رحمة أحمد. و من تأليف مصطفى صقرو إخراج أحمد الجندي.

المسلسل غير متوفر في مصر

View this post on Instagram

A post shared by Shahid (@shahid.vod)


جبنالك كل مسلسلات رمضان 2022 المصرية اللي هتتعرض على Shahid

راجعين يا هوى

مسلسل راجعين يا هوى بيحكي قصة رجل الأعمال بليغ أبو الهنا (خالد النبوي) اللي كان عايش برا مصر فترة طويلة لكن بيقرر يرجع مصر، وهو عليه ديون كتير بسبب خسارة تجارته في اوربا. و بيضطر بليغ انه يدور على ميراثه، من ورثة أخوه المتوفي، وتبدأ بينهم صراعات بسبب الكره والغيرة. و بيقع بليغ ابو الهنا في قصص حب كتيرة خلال احداث المسلسل.

مسلسل راجعين يا هوى مأخوذ عن رواية الكاتب الراحل أسامة أنور عكاشة. من بطولة خالد النبوي و نور اللبنانية، هنا شيحة, أنوشكا، وفاء عامر، أحمد بدير, إسلام إبراهيم، ونور النبوي, سلمى أبوضيف.

سيناريو وحوار محمد سليمان عبد الملك ومن إخراج محمد سلامة.

جبنالك كل مسلسلات رمضان 2022 المصرية اللي هتتعرض على Shahid

المشوار

مسلسل المشوار بيحكي قصة زوجين ماهر (محمد رمضان) و ورد (دينا الشربيني) اللي بيشتغلوا باليومية في شركة ملاحة في الماكس في الاسكندرية و بيواجهوا تحديات كتير في حياتهم. المسلسل بيناقش الاتجار في الاثار و غسيل الاموال.

مسلسل المشوار بطولة محمد رمضان، دينا الشربيني، احمد مجدي، أحمد صفوت، خالد أنور، خالد كمال، كارولين خليل، محمد عز، ندا موسى، ثراء جبيل، محمود الليثى، حنان يوسف، سارة عبد الرحمن، محسن منصور، سما إبراهيم، محسن منصور، احمد كمال.

المسلسل تأليف محمد فريد وإخراج محمد ياسين.

View this post on Instagram

A post shared by Shahid (@shahid.vod)

جبنالك كل مسلسلات رمضان 2022 المصرية اللي هتتعرض على Shahid

جزيرة غمام

 أحداث المسلسل في إطار اجتماعي صعيدى بتحكي قصة “بيت شافع” واولاده اللي بيحصل مابينهم خلافات كتيرة و بيناقش لحد فين ممكن توصلنا الخلافات اللي مابين الاخوات. المسلسل احداثه في العشرينيات يعني من 100 سنة.

مسلسل جزيرة غمام بطولة مى عز الدين، طارق لطفى، فتحى عبد الوهاب، أحمد أمين، رياض الخولى، عبد العزيز مخيون، محمد جمعة، هبة عبد الغنى و وفاء عامر. المسلسل تأليف عبد الرحيم كمال وإخراج حسين المنباوى.

جبنالك كل مسلسلات رمضان 2022 المصرية اللي هتتعرض على Shahid

يوتيرن

 مسلسل يوتيرن بيحكي قصة يارا الكردي (ريهام حجاج) اللي بتشتغل ضابطة بحرية لكن بتسيب شغلها عشان خاطر زوجها و بتعيش حياة صعبة معاه بسبب غيرته عليها من ابن خالتها و بتشتعل الاحداث بعد ما بتتعرض يارا لحادثة.

مسلسل يوتيرن، بطولة ريهام حجاج، وتوفيق عبدالحميد، فادية عبدالغني، كريم قاسم، عبير صبري و صفاء الطوخي. يوتيرن من تأليف أيمن سلامة، إخراج سامح عبدالعزيز.

المسلسل غير متوفر في مصر

View this post on Instagram

A post shared by Shahid (@shahid.vod)

جبنالك كل مسلسلات رمضان 2022 المصرية اللي هتتعرض على Shahid

مسلسلات رمضان على منصة Shahid كتيرة و متنوعة لكن لسه فيه اكتر مينفعش يفوتك

 شوف تجميعة كل مسلسلات رمضان 2022 و حكاياتهم

Your Ultimate Guide for 2022’s Mosalsalat Ramadan: All That We Know About The Upcoming Egyptian Series Season

What do you think?

Avatar of Omar Bakry

Written by Omar Bakry

A passionate writer with an engineering and artistic background. My mission is to tell you the untold stories.

Leave a Reply

Your email address will not be published.

Amir Ramses Appointed as Director of the 44th Edition of Cairo International Film Festival

Amir Ramses Appointed as Director of the 44th Edition of Cairo International Film Festival

DISNEY+ SETS JUNE 8TH AS LAUNCH DATE FOR EGYPT

DISNEY+ SETS JUNE 8TH AS LAUNCH DATE FOR EGYPT