Ahmed Dahabi
الشتاء خلاص وصل والبرد اللذيذ بقي مالي الجو، وده الوقت المناسب علشان نطلع لبس الشتا وننزل نشوف في أيه جديد في السوق في أزياء شتاء 2021.
لبس الشتاء مختلف عن أي موسم تاني، دايماً الإختيارات بتكون كتير ومتنوعة وفرص الشياكة أكتر بكتير.
تقدري تلبسي طبقات كتير وكل طبقة منهم تقدري تخليها إطلالة لوحدها، لحد ما تعملي runway لوحدك في كل خروجة.
وعلشان الكريسماس خلاص كام يوم وكلنا مستعدين ننزل نعمل Shopping الشتاء، احنا لفينا علي كوليكشنز الشتاء والخريف في كل الـ fashion runways بتاعت لبس شتاء 2021 وجبنالكم كل التريندات اللي هتسيطر علي موضة الشتاء ده.
1 – أزياء شتاء 2021 كلها عن الجواكت الفرو Faux fur jackets
لأننا مش بنشجع تعذيب وقتل الحيوانات فكل الفرو اللي هنشجعك تلبسيه هيكون صناعي Faux fur.
لازم تعملي دراما بجاكت فرو السنة دي! هتدخلي المشهد بفرو شيك وألوان جريئة ونقشات تستاهل يتبص عليها.
ألبسيه علي شيرت خفيف وجينز وممكن تظبطيه علي فستان بسيط مع كعب عالي أو sneakers.
2 – الإطلالات ذات الطابع المعدني Metallic looks
الألوان المعدنية راجعة بقوة للـ runways في براندات أيقونية زي Area, Versace and Alberta Ferreti.
ومش بس الألوان المعدنية، ده كمان الكروماتيكا واخد مساحة كبيرة أوي من تريند الموسم.
الألوان القوية والصاخبة دي أكيد هتجذب الأنظار ليكي، وبعد ما ليدي جاجا وأريانا جرانديه غنوا Chromatica لازم الألوان دي ترجع علي الساحة تاني وبقوة.
3 – إطلالات الجلد Faux leather looks
إطلالات الجلد الموسم ده هتبقي هي التريند الأقوي وعلشان كدا أزياء شتاء 2021 بتقولك مينفعش دولابك ميبقاش فيه جاكت جلد.
ولأن الحيوانات من حقهم يعيشوا حياتهم زينا وميتعذبوش، بليز ألبسي جلد صناعي Faux leather ومتشجعيش صناعة الجلد الطبيعي اللي بتعذب الحيوانات.
4 – Aviator looks إطلالة الطيار
مين قال أن الـ aviator looks للرجالة بس؟ الستات لازم ترجع تطالب بحقها في الإطلالة دي.
رغم أن الجلد faux leather هيكون هو المسيطر علي طلات الموسم، زي ما قلنا قبل كدا، إلا أننا منقدرش نقلل من قيمة الـ aviator look ده.
لو معاه burret أو سكارف صوف يبقي من الأفضل نلبسه مع sneakers ولو لبسناه علي جزمة برقبة Army boots يبقي نشجعك تخلي الإطلالة أرق وأبسط.
5 – الجواكت المنفوخة puffers بتاخد بحقها في شتاء 2021
مش هنسمح بكلمة واحدة مش كويسة عن الـ puffer jackets.
أي حد بيقول أنها مش حلوة، هنقف وهنقله: لاء، الـ puffers شيك جداً ومرنة في اللبس، يعني ينفع تتلبس علي أي حاجة. من أول إطلالة كاجوال عادية لحد إطلالة كلاسيك أوي Semi-casual.
تريند أزياء شتاء 2021 مينفعش يخلو من الـ puffers. وفي شركات كبيرة زي Bottega, Sea, Gucci, or Prada متفقين معانا ومنزلين كوليكشنز puffers حلوة أوي.
ألبسي puffers طول الشتاء.
6 – التشيرتات التقيلة Over shirts
هي تيشيرتات عادية بس طبقة القماش أتقل من العادي ومتبطنة بفرو أو صوف، بتدفي جداً وشكلها شيك أوي في إطلالة oversized.
ممكن stylist ينصحك تجربيها علي فستان، بس إحنا شخصياً شايفينها كاجوال و oversized looks بس. مشsemi-casual حتي.
الإطلالة دي هتديكي Vibes تايلور سويفت أوي.
Countryside vibes أوي بقي!
7 – الفساتين الصوف المشغولة Knitted dresses
الفساتين دي ظاهرة أوي في كولكشنز السيزون وتقريباً موجودة في كل runway.
والتريند ده مخيبش ظننا خالص. طالع شيك وجميل ومتناسق.
لو معندكيش فستان مشغول يبقي لازم تنزلي تجيبي واحد.
