كل الي محتاج تعرفه عن تحدي انكتوبر 2022 والنسخة المصرية منه YouTHink

Article by Heba Elkady and Aya Salah

كل الي محتاج تعرفه عن تحدي انكتوبر 2022 والنسخة المصرية منه YouTHink

شهر أكتوبر بدأ، وبدأ معاه تحدي Inktotber السنوي الي بيشارك فيه رسامين وفنانين من كل أنحاء العالم. 

بيرجع تاريخ Inktober إلى أكثر من ١٠ سنين، واللي قام  بإنشائه المصور جيك باركر في سنة 2009. وده عشان يبقي  فيه طريقة لتحسين “مهارات الرسم بالحبر، وتطوير عادات الرسم الإيجابية”.

ومن الوقت ده ابتدى يكبر، وانتشر في كل مكان وبقى كل المبدعين بيشاركوا في التحدي ده كل سنة. 

طيب عبارة عن ايه التحدي؟

كل يوم في شهر أكتوبر ، الرسامين بيرسموا رسومات معينة، ويشاركوها عن طريق الإنترنت باستخدام هاشتاج #Inktober.

وهنا بقي بيجي أهمية القائمة  اللي بتقدمها lnktober، وهي ببساطة قائمة بكلمات مختلفة لكل يوم من أيام الشهر ، واللي من خلالها بيقدر الرسام انه يستعملها كمصدر إلهام للي بيرسمه في اليوم.

هل لازم الرسامين يلتزموا بالقائمة دي؟

لا، دا بيرجع لاختيار الرسام إذا كان عايز يستعمل القائمة أو لا. وممكن الرسام يرسم رسومات من اختياره هو. 

ودي القائمة بتاعة  السنة دي لتحدي Inktober اللي ممكن الرسامين  يقدروا يستعينوا بيها في المشاركة في التحدي.

لوعايزين تتابعوا و تشوفوا إبداعات الناس اللي بتشارك في التحدي، تقدروا تدخلوا على هاشتاج #Inktober على انستجرام. 

النسخة المصرية من تحدي Inktober 

 الجديد السنة دي هو إن منصة YouTHink على انستجرام عملت نسخة مصرية ل Inktober تحت اسم ” YOUTHinktober” في الشارع المصري. والتحدي ده بيدعوا  الفنانين المصريين عشان يشاركوا فيه، ويرسموا حاجات من الشارع المصري على حسب القائمة الي YouTHink نشرتها. وفي نهاية التحدي المنصة هتختار أفضل الأعمال الفنية عشان تتحول لمنتجات، و تتعرض في معرض YouTHink بتخطط تعمله بعد ما التحدي يخلص. 

View this post on Instagram

A post shared by YouTHink (@youth.think)

كثير من الفنانين اتفاعلوا وشاركوا في التحدي باستخدام هاشتاج #Youthinktober، ودي بعض من مشاركات أول فكرة رسم في القائمة وهي “شاي بالنعناع”، وثاني فكرة وهي”أرابيسك”:

واتكلمنا مع سارة  صيام، مديرة المشروع من فريق YouTHink عشان تحكي لنا أكثر عن الفكرة. 

– ازاي ابتدت فكرة Youthinktober بالمصري؟ 

الفكرة كانت من اقتراح محمود طاهر، مؤسس منصة YouTHink، و كنا بنحضرلها من شهر ٦، وحسام شريف المسؤول عن الهوية البصرية للمنصة اقترح فكرة اننا نعمل حاجة مختلفة وحصرية ليوثينك بس وهي فكرة يوثينكتوبر في الشارع المصري. 

– ايه الأهداف الي بتطمحوا توصلوا لها من المشروع؟ 

بنطمح إن احنا نوصل لأكبر عدد من الشباب الطموح، و نساعده يبرز شغله وموهبته، وكمان نكبر ال community بتاعة YouTHink ونلهم شباب اكتر، ونساعده يخرج من منطقة الراحة ويستكشف مواهبه أكثر. 

– ليه اخترتوا الشارع المصري بالذات تستوحوا منه القائمة؟  

اخترنا الشارع المصري والثقافة المصرية، علشان حسينا ان دي حاجة المفروض كانت تتعمل نحتفل بثقافتنا وعاداتنا اليومية بشكل لذيذ و اي حد ممكن يشارك فيه، وكمان علشان نسهل Inktober على ناس كتير انهم يشاركوا بحاجات بتلمسهم أكثر. 

– ايه شعوركم بعد ما التحدي وصل وشارك فيه كثير من الفنانين؟ 

سعداء جدا، و بنشكر كل واحد شارك في التحدي، وألهم شباب ثانيين تطلع موهبتها و تنشر التحدي اكتر، ومتحمسين جدا نشوف باقي الفنانين.

– ايه خططكم المستقبلية للمشروع؟

احنا ناويين نخلي youthinktober تكون فكرة ثابتة كل سنة، و هنحاول دايما تكون مُختلفة و فيها ابداع. فكرة انها تفضل مصرية دا شئ وارد جدا بس أكيد مع كل سنة هيحصل اختلافات.

View this post on Instagram

A post shared by Omar Nafady (@nafady______)

What do you think?

Avatar

Written by El-Shai

Leave a Reply

Avatar

Your email address will not be published. Required fields are marked *

Adolf El Assal's Wady Films Production Competes in Cinekid Festival with the New Film BEANIE

Adolf El Assal’s Wady Films Production Competes in Cinekid Festival with the New Film BEANIE

“The Swimmers” Selected for MENA Premiere at the 44th Cairo International Film Festival

“The Swimmers” Selected for MENA Premiere at the 44th Cairo International Film Festival