in

كلوب هاوس هيبيعنا على الديب ويب؟ إيه المشكلة العالمية الي مسببها البرنامج المرة دي؟

black and blue smartphone screen

مين فينا ميعرفش برنامج كلوب هاوس، والي انتشر بنطاق واسع، مع بدايات الحجر في إبريل 2020، وتفشي كورونا في العالم، كلوب هاوس كان المتنفس الوحيد لينا كبشر، عشان نعبر فيه عن نفسنا، ونناقش مواضيع مختلفة، مع ناس من مختلف أنحاء العالم بسهولة

كلوب هاوس هيبيعنا على الديب ويب؟ إيه المشكلة العالمية الي مسببها البرنامج المرة دي؟

نظام كلوب هاوس عبارة عن غرف، بيعملها شخص، ويرسل دعوات للأشخاص الثانيين الي عايزهم يحضروا، وطبعًا بتعملك حساب محترم، وتحط معلوماتك ورقم تليفونك وكل حاجة زي أي برنامج تاني

ومع الاستخدام الواسع والمنتشر، في كل أنحاء العالم للكلوب هاوس، والي اتضح بعد ما نشرت ال CNCB إحصائية، في مايو ،2021 بتوضح فيها إن عدد مستخدمين البرنامج وصلو ل 10 مليون مستخدم، و300 ألف غرفة بيتم صناعتها يوميًا على البرنامج، أرباح كلوب هاوس زادت أكثر وأكثر

Clubhouse reports more than 10 million weekly active users and says more than 300,000 rooms are created each day, and that people are spending over an hour a day on the app. 

Reported from CNBC

.بس الطمع ملوش آخر… والفلوس ممكن تطغى على الأخلاق 

كلوب هاوس هيبيعنا على الديب ويب؟ إيه المشكلة العالمية الي مسببها البرنامج المرة دي؟

في 25 يوليو 2021، الخبير الأمني السويسري “مارك ريف “، نشر على حسابه بموقع التواصل الاجتماع تويتر” إن تطبيق كلوب هاوس بيستغل بيانات مستخدمينه عشان يبيعها في الدارك ويب، ومش بس كدا، دا حتى لو أنت مش من الي بيستخدموه، معلوماتك أنت كمان مُعرضة للسرقة

 

إيه بقى الدوشة دي؟؟

أكثر من 3.8 مليار رقم هاتف، لمستخدمين الكلوب هاوس، والغير مستخدمين، معروضة على الدارك ويب، أو الدارك نت، لو أنت مُستخدم للكلوب هاوس؛ فمعلوماتك كلها الي موجودة على البرنامج والمش موجودة، مع المسئولين عن الجريمة دي، وإن هيتم بيع البيانات في مزاد كبير في 4سبتمبر الجاي، وفيه احتمالية كبيرة إن أسماء ,ارقام غير المستخديم للكلوب هاوس، موجودة في القائمة.

كلوب هاوس هيبيعنا على الديب ويب؟ إيه المشكلة العالمية الي مسببها البرنامج المرة دي؟

 

طب وأنا مش بستخدم كلوب هاوس، ذنبي إيه بقى؟

أنت مش مُذنب، لأن الكلوب هاوس بيعمل حركة لولبية، و بيقدر يشوف من هم جهات الاتصال، الي موجودين عند أي مستخدم كلوب هاوس، وبالتالي؛ أول ما بيجيبو رقمك، بيقدرو يجيبو باقي المعلومات التانية. 

الناس حاليًا بتشتكي من الجريمة دي، عرض المعلومات بالشكل دا للبيع على الدارك ويب، مقابل الفلوس، مع أن البرنامج بيتيح الخصوصية، وبيطمنك إن معلوماتك في أمان، وظهرت الشكاوي بشكل كبير وخاص على موقع تويتر، وإن ازاي برنامج عالمي زي ده، يخلي المادة والشهرة والفلوس تطغى على الأخلاق.

 

الجدير بالذكر، إن دي مش أول مرة يتم اختراق، بيانات مستخدمين الكلوب هاوس، في إبريل الي فات، تم تسريب بيانات 1.3 مليون مستخدم على الإنترنت.

ونفس الأمر حصل قبل كدا، مع مختلف مواقع السوشيال ميديا، قبل كدا، تم اختراق الفيس بوك أكثر من مرة، في فترات متوترة حول العالم، زي وقت الانتخابات الأمريكية ،2017 لما تم اتهام “مارك زوكربيريغ” مؤسس فيس بوك، ببيع بيانات مستخدمي الفيس بوك الأمريكيين للحكومة الروسية. 

وغيرها كثير من برامج تانية، بيحصل وحصل لها اختراق وسرقة للبيانات، بشكل مستمر، والاختراق مش بيبقى بس عشان بيعه على السوق السوداء، وربح المال، ممكن البيع يكون لدول وحكومات، لأشخاص معينين، ولمنظمات غير معلومة أصلًا. 

طب وإيه الحل في حاجة زي كدا؟ 

حماية المعلومات وتأمينها أمر مهم جدًا، بننصحك باستخدام برامج حماية المعلومات زي DUO mobile، واستعمال خاصية تأكيد الإيميل، ورقم التليفون، ولو فيه برنامج مشكوك في حمايته، والأمان الإلكتروني بتاعه، متنزلوش، أفضل لحمايتك، وخلي دايما نسخة من معلوماتك، محفوظة في جهاز آمن

الوقت دا، بقى من الصعب إن معلوماتك تكون محفوظة، بشكل آمن، وممنوعة من الاختراق، حتى طرق الحفظ والأمان معادتش مضمونة، في بعض الأحيان، وأهو كلنا ماشيين ببركة ربنا

Avatar of Mennah

Written by Mennah

I'm Mennah, a Mass Communication/ English section student at Cairo University, and Content writer/ Creator at your fav website El-Shai, my mission is to serve you the content you want to see in creative ways.

What do you think?

Leave a Reply

Your email address will not be published. Required fields are marked *

Amazon to launch Amazon.eg later this year

Amazon to Launch Amazon.eg Later This Year

Jamila & The Other Heroes Reimagine the Middle East with New Single ‘BORDER SYNDROME احلام بلا حدود’

Jamila & The Other Heroes Reimagine the Middle East with New Single ‘BORDER SYNDROME احلام بلا حدود’