النهاردة 31\10\2020 صحينا على خبر صادم وهو موت الممثل الإسكتلندي الشهير، السير توماس شون كونري في الـ90 من عمره في جزر الباهامس.

شون كونري اتشهر عن دوره في فيلم جيمس بوند، وهو أول واحد مثل الدور ده.

وكمان عنده أدوار تانية متقلش عظمة عن جيمس بوند.

تعالو نعرف اكتر عن أفلام شون كونري و سيرته الفنية!

شون كونري كان رائد السينما في السيتينات وقبل ما يمثل في السينما كان ممثل مسرحي وعمل كذا مسرحية عظيمة.

كان مشهور عن شون كونري انه وسيم جدا فاشتغل موديل لكلية الفنون في إدنبره.

ومش بس كدة، من شدة وسامته في سن الثالثة والعشرين دخل مسابقة جمال للرجالة وكان اسمها “سيد الكون” و قدر انه ياخد المركز الثالث.

ومن بعد المسابقة دي كان خطوة كويسة لاقترابه من أعمال التليفزيون و قدم أول عمل ليه وهو Lilas in the Spring سنة 1955

وبسبب وسامته الشديدة المنتجين والمخرجيين كانوا ديما بيحاصروه في أدوار الفاكبوي.

وبرضو الوسامة دي هي اللي خلت المنتجين يختاروه في دور جيمس بوند.

اشتغل كونري برضو كمنتج، وأنتج ست أفلام هما:

Sir Billi , Finding Forrester , Entrapment , Rising Sun , The Bowler and the Bunnet

شون كونر من أهم ممثلين الخمسينات والستينات وادواره كلها مميزة وعظيمة

نرشحلكوا أفلام ليه تتفرجوا عليها انهارده و انتو بتودعوه

Dr. No

Goldfinger

The Untouchables

Diamonds are forever

You only live twice

The Hunt For Red October

Entrapment

خبر موت السير توماس سببلنا حزن كبير، بس تاريخه الفني اللي سابه وراه هيفضل عايش دايماً علشان يفكرنا ان كان في حد عظيم عاش وسطنا.