in

حرب 6 اكتوبر و قصة 4 ابطال مصريين ميتنسوش – ايه قصتهم؟

حرب 6 اكتوبر و قصة 4 ابطال مصريين ميتنسوش - ايه قصتهم؟

حرب 6 اكتوبر كانت حرب رد اعتبار لمصر ضد العدو الاسرائيلي و الجيش المصري فيها قام بمعركة بيتم تدريسها في جميع الكليات العسكرية في العالم و قام بانجاز على كل المقاييس العسكرية و برغم من كل الظروف و لكن لما تم اصدار امر بكبح العدو كانت قد المسؤولية.. و في خطاب النصر الرئيس السادات قال:

نحن هنا ليس لنتفاخر بما حققناه, و لكن لكي نتذكر و ندرس و نعلم اولادنا و احفادنا جيلا بعد جيل قصة الكفاح و مشاقه.. مرارة الهزيمة و آلامها و حلاوة النصر و آماله

و النهاردة هي الذكرى ال 48 لانتصار اكتوبر العظيم

ايه ملخص احداث حرب 6 اكتوبر؟

حرب 6 اكتوبرهي حرب شنتها مصر على إسرائيل بدأت  يوم السبت 6 اكتوبر 1973 م الموافق 10 رمضان 1393 هـ بتنسيق هجومين مفاجئين ومتزامنين على القوات الإسرائيلية؛ أحدهما للجيش المصري على جبهة سيناء المحتلة وآخر للجيش السوري على جبهة هضبة الجولان المحتلة. و ساهمت معانا في الحرب بعض الدول العربية سواء بالدعم العسكري أو الاقتصادي.

و بعد بداية الهجوم حقق الجيش المصري اهدافه من الحرب و كان فيه نتايج ايجابية ملموسة في الايام الاولى منها و عبرنا قناة السويس و حطمنا خط برليف و دخلنا سيناء و نجح الجيش السوري وقتها دخول هضبة الجولان.. كل ده قبل انتعاشة الجيش الاسرائيلي في نهاية الحرب و فعلا حاولوا يردوا اعتبارهم و لكن منجحوش انهم يحققوا اي نجاح استراتيجي ملموس..

انتهت الحرب رسميا في يوم 24 اكتوبر من خلال اتفاق وقف اطلاق النار ما بين الجانب العربي و الاسرائيلي و لكن متنفزش على الجبهة المصرية تحديدا قبل 28 اكتوبر و كان الجيش المصري قد حقق اهدافه بعبور قناة السويس و تدمير خط بارليف و اتخاذ اوضاع دفاعية

فرحة و ذكرى الانتصار هي ذكرى جميلة و مش هينساها الشعب المصري و لكن دايما بيكون فيه ابطال مش عليهم الضوء حبينا نذكرهم .. ايه قصتهم؟ ازاي خدموا مصر و كانو سبب رئيس في النصر؟ يلا بينا نعرف..

1- البطل السياسي اشرف مروان : وطني خدع اسرائيل

أشرف مروان هو سياسي ورجل أعمال مصري، ولد في 1944 لأب كان ظابط بالجيش. حاصل على بكالوريوس العلوم في سنة 1965 واشتغل في المعامل المركزية للقوات المسلحة ثم مساعد لجمال عبد الناصرو في سنة 1970 أصبح المستشار السياسي والأمني للرئيس الراحل أنور السادات وذلك بعد وفاة عبد الناصر.. و هو زوج منى جمال عبد الناصر بنت الرئيس المصري الأسبق جمال عبد الناصر

اتهموه كتير الاسرائيليين انه كان عميل ضد مصر و لكنه كان عميل مصري مزدوج عند اسرائيل يعمل لصالح مصر و كان له دور في  خداع الحرب و اعترفوا الاسرائيليين بخداعه ليهم و ان الخدعة كانت السبب الرئيسي في هزيمتهم..

ايه الخدعة؟ مش خدعة واحدة

 الاولى انه أبلغ عن رسالة السادات إلى بريجنيف (سكرتير الاتحاد السوفيتي وقتها) انه مش هيحارب الا لما يحصل على نوع معين من الصواريخ مكانتش في مصر وقتها و فعلا مخادش الصواريخ دي و لكن كان هو الخبر اللي خلا اسرائيل تطمئن ان الحرب لسه بعيدة..

و التانية انه  أبلغ إسرائيل بميعادالحرب إنها هتبدأ 6 بليل وبكده خدع إسرائيل لأن الحرب بدأت الساعة 2 بعد الظهرو في وخلال ال 4 ساعات دول كانت القوات المصرية أتمت عبور القنال. 

حرب 6 اكتوبر و قصة 4 ابطال مصريين ميتنسوش - ايه قصتهم؟

و تأكدت اسرائيل من انها خدعة مقصودة و مدبرة مع المخابرات المصرية في ذكرى احتفالات انتصار اكتوبر في 2004 لما شافو الرئيس مبارك و هو بيصافحه و قالوا عنه الكتاب الاسرائيليين و كانو بيسموه “بابل”  كتبوا عنه و قالوا:

 الثقة في “بابل” كانت “أكبر هزيمة تحققت لإسرائيل في تاريخها”

و توفى اشرف مروان مقتولا بعد ما وقع من بلكونة بيته في لندن في عام 2007 و الاتهامات كلها متوجهة نحو اسرائيل خصوصا ان كاميرات المراقبة حوالين البيت وقتها كانت معطلة فجأة و مسجلتش الحدث.

2- جمعة الشوان: عملية البطة الثمينة

 جمعة الشوّان (6 أغسطس 1939 – 1 نوفمبر 2011)، عميل مزدوج لجهاز المخابرات العامة المصرية بعد نكسة 1967 و يعتبر من أهم العملاء اللي شهدهم صراع المخابرات المصري الإسرائيلي. ولد ونشأ بمدينة السويس قبل ما يضطر للهجرة منها هو وعائلته أمه وأخوه وزوجته بعد نكسة يونيو 1967 وهناك فقدت زوجته نظرها نتيجة للقصف الإسرائيلي وتدمير لنش صغير ملكا للشوان.

حاول يشتغل في القاهرة في السوق السوداء عن طريق بيع المواد التموينية واللي وقتها كان محظور التجارة فيها لظروف البلد الاقتصادية السيئة لحد ما اتقفلت كل الأبواب في وشه فاضطريسافر اليونان لمقابلة رجل أعمال هناك بيملك العديد من سفن الشحن ويدين للشوان بحوالي 2000 جنيه ولكنه مكانش موجود في اليونان كخطة من الموساد عشان يعاني الشوان ويوافق على أي شيء.

حرب 6 اكتوبر و قصة 4 ابطال مصريين ميتنسوش - ايه قصتهم؟

و بعد ما قابل الشوان لواء من المخابرات المصرية بدأ تعاون الشوان مع الإسرائيليين ومعرفة اللي عايزينه و يقوللهم اللي  المصريين محتاجينه من منتجات و ينقل لهم الرأي العام و ده اللي خلاه جاسوس مهم بالنسبة للإسرائيليين و مع مرور الوقت ثقتهم فيه كانت بتزيد و بتزيد معاها اهميته بالنسبة للمخابرات المصرية.

و في 1972 قدر الشوان انه يجيب لمصر اصغر جهاز ارسال تم صنعه في الوقت ده و اللي بيبعت الرسالة في 6 ثواني من غير ما حد في اسرائيل يعرف الجهاز راح لمين بالظبط و مين اللي خده..

الجهاز اللي ساعد الجيش المصري اثناء الحرب لتسريب معلومات خاطئة للجيش الاسرائيلي عن خطة مصر و اماكن تمركز القوات المصرية..

3–  المشير محمد علي فهمي

المشير محمد علي فهمي ولد في 11 أكتوبر 1920 و هو رئيس أركان حرب القوات المسلحة المصرية وكان أول قائد لقوات الدفاع الجوي المصري من 23 يونيو 1969، وفضل قائد لها أثناء حرب الاستنزاف وحرب أكتوبر 1973.

شارك في حرب أكتوبر كقائد لقوات الدفاع الجوي, ,واستطاع إلحاق خسائر فادحة بالقوات الجوية  الإسرائيلية وصلت لثلث سلاح الطيران الإسرائيلي, لدرجة ان صدرت أوامر من القيادة الإسرائيلية لطياريها بعدم الاقتراب من قناة السويس.

حرب 6 اكتوبر و قصة 4 ابطال مصريين ميتنسوش - ايه قصتهم؟

في 24 فبراير 1974 كرمه الرئيس أنور السادات لدوره في حرب أكتوبر ورقاه إلى رتبة فريق. و في 3 يناير 1975 تولى منصب رئيس أركان حرب القوات المسلحة و توفى في لندن سبتمبر 1999 اثناء علاجه من المرض.

4- المشير فؤاد محمد أبو ذكري

المشير فؤاد محمد أبو ذكري ولد في  نوفمبر 1923 و هو قائد القوات البحرية في حرب أكتوبر 1973م. وهو المخطط لعملية المدمرة إيلات عام 1967م ويعد من أبرز قادة القوات البحرية في التاريخ المصري الحديث، وهو ظابط البحرية الوحيد اللي وصل إلى رتبة فريق أول بحري ثم رتبة مشير في تاريخ العسكرية المصرية.

حرب 6 اكتوبر و قصة 4 ابطال مصريين ميتنسوش - ايه قصتهم؟

و كانت القوات البحرية المصرية لها دور كبير في التمويه و حماية السواحل المصرية من العدو و في لحظة اعلان الحرب كانت قد المسؤولية..

انتصار اكتوبر من الآخر: حكاية متتنسيش.. تاريخ مابينتهيش و شهداء بدمهم ضحوا عشان نقدر نعيش.. و مهما حكينا عنهم مش هيكفيهم

Avatar of Omar Bakry

Written by Omar Bakry

Passionate Content Creator, my Mission is to let you know the Unknown and Write Content that serves your interests.

What do you think?

Leave a Reply

Your email address will not be published. Required fields are marked *

House of The Dragon: Trailer and Everything to Know about the Game of Thrones Prequel

House of The Dragon: Trailer and Everything to Know about the Game of Thrones Prequel

The trailer for the film "Back Home" releases in time for its world premiere at El Gouna Film Festival

The trailer for the film “Back Home” releases in time for its world premiere at El Gouna Film Festival