جرائم حقيقية حصلت في ليلة الإحتفال بالهالوين

jack o'lantern

في يوم 31 أكتوبر من كل سنة بيحتفل الناس من كل البلاد في العالم بـ الهالوين أو”عيد القديسين” واللي بيرجع أصله لمهرجان ايرلندي قديم كان بيتعمل من الفين سنة، بس بقي ليه شهرة كبيره خاصة بعد ما انتجت السينما الأمريكية افلام كتير بتتكلم عن العيد ده، وكلها كانت افلام مرعبة ،وبتختلف  طريقة احتفالات الناس باليوم ده، فممكن تلاقي أشخاص بيولعوا شموع في البلكونات واشخاص تانية بتلبس لبس زي السحرة أو أشباح أو هياكل عظمية،  وفي اليوم دة الاطفال  بيتنقلوا من بيت لبيت ويخبطوا على الأبواب وبيطلبوا من الناس  انهم يديهم قطع من الشوكلاته أو حلوى ولما الشخص بيفتح الباب ليهم الأطفال بتصيح ” خدعة أو حلوى” ولو ماعرفوش ياخدوا اكل بيعملوا خدعة صغيرة على الشخص على سبيل الضحك

ولكن بالرغم من أنه أسطورة بس في جرائم حقيقية حصلت في ليلة الهالوين واللي  تسببت في فزع كتير من الناس

تعالوا بينا نتعرف على الجرائم ديه اللي كلها حصلت في ليلة الهالوين

جريمة قتل مدبرة

جرائم حقيقية حصلت في ليلة الإحتفال بالهالوين

في سنة 1974 وفي يوم الاحتفال بالهالوين  كان في واحد اسمه زونالد كلارك وكان عايش في ولاية تكساس ، استغل يوم الاحتفال وقدم حلويات مسمومة لأولاده ولد وبنتين وعلشان يبعد الشبهات عنه قدم الحلوى ل4 أطفال كمان ، ولما قبضوا عليه وحققوا معاه قال انه عمل كده عشان هو غرقان في الديون وكان محتاج لمصاريف التأمين على ولاده ، بس هما كشفوه عشان مافيش غير ابنه بس اللي خد الحلويات وكلها ومات بعدها بساعة ، وتم إعدامه في مارس 1984

هزار تسبب في الموت شنقا

جرائم حقيقية حصلت في ليلة الإحتفال بالهالوين

أحد المراهقين اسمه جويل عنده 17 سنه ، كان عايز يضحك علي الناس اللي بيشتغلوا في الجنينة ، وده عن طريق انه يمثل انه مشنوق ، وكل ماحد يعدي من جنبه يقرا رساله هو كاتبها بصوت مرعب عشان يخوف الناس اللي حتعدي قريب منه ، وكمان كان حاطط حاجة تحت رجله عشان تسنده ،بس للأسف الحاجة ديه اتحركت واتشنق بجد، ومااكتشفوش الجثة إلا الصبح، ومات نتيجة خدعته اللي كان عايز يعملها في الناس بس انقلبت عليه هو 

لص بالخطأ في ليلة الهالوين

جرائم حقيقية حصلت في ليلة الإحتفال بالهالوين

بتحكي القصة دية أنه كان في احتفالات الهالوين سنة 1922 أن الشاب يوشيهيرو هاتوري وعمره 16 سنة كان رايح لصاحبه عشان يقضي العيد معاه ، بس هو اتلغبط في البيت وخبط على باب بيت غلط ، بس ماحدش رد عليه ، وده خلاه يفكر انه يروح للباب الخلفي ، بس ده خلي صاحب البيت يفتكر انه حرامي جي عشان يسرقه ، فضربه بالنار ومات على طول

القاتل المقنع

جرائم حقيقية حصلت في ليلة الإحتفال بالهالوين

في سنه 1982 كان في راجل اسمه مارفن براند وعنده 69 سنه كان بيحتفل بالهالوين هو مراته وكانوا بيدوا الاطفال والجيران الحلويات، ولما رجعوا للبيت وفتحوا الباب لقوا راجل لابس قناع وبيطلب منهم فلوس وهو بيهددهم بس هو افتكر ان ده واحد جاي يهزر معاه .بس الراجل فضل يهددهم وطلب منهم ينزلوا في السرداب بتاع البيت ، بس مارفن قاومه فضرب عليه بالرصاص ومات في الحال وهرب المجرم وماحدش عرف هو مين لغايه دلوقتي

رمي البيض تسبب في حصول جريمه

جرائم حقيقية حصلت في ليلة الإحتفال بالهالوين

رمي البيض علي منزل او عربية هو من تقاليد عيد الهالوين ، بس ده للاسف اتسبب في مقتل كارل جاكسون وعنده 21 سنه ، لما كان بيسوق عربيته ومعاه صديقته وابنها وهما راجعين من حفلة هالوين في برونكس ، وفجأه بدأ شويه شباب يرموا البيض علي العربيه وخرج جاكسون من العربية وبدأوا يتخانقوا مع بعض ، بس هما ضربوه بالرصاص في راسه ومات بعدها علي طول بس للاسف اتحكم علي الولد بالسجن 20 سنة عشان هو كان عنده 17  سنه وقت الحادثة ديه ومات كارل بسبب البيض

خوف زائد تسبب في موت بنت صغيرة

جرائم حقيقية حصلت في ليلة الإحتفال بالهالوين

في عيد الهالوين سنه 2012 ماتت بنت عمرها 8 سنين في مدينة بنسلفانيا، وولما حققوا في الموضوع لقوا ان البنت كانت لابسه لبس الهالوين وقبعة سوداء وشراب أبيض وقناع، ولكن لما شافها ابن عمها شكلها تسبب ليه في ذعر شديد فضرب عليها الرصاص فأتصابت في كتغها وفي بطنها وونقلوها للمستشفى وعملولها عملية جراحية صعبة والغريب أنها نجت فعلا

What do you think?

Avatar

Written by Heba ElKady

A former accountant now working as a journalist after career shifting.

Leave a Reply

Avatar

Your email address will not be published. Required fields are marked *

D-CAF’s Arab Arts Focus program spotlights Women in Contemporary Dance

D-CAF’s Arab Arts Focus program spotlights Women in Contemporary Dance

10 Horror Movies To Watch On Halloween Night

10 Horror Movies To Watch On Halloween Night