in

ازاي فرخة قلبت البلد علي فشنك

مصر كلها مقلوبة علي حكاية الفرخة والعملية اللي اتعملت لها والدكتور اللي عملها

photomix image 2
photomix image 2

ظهر امبارح بوست علي الفيس بوك بيقول أن فرخة، في مدينة مرسي علم في محافظة البحر الأحمر، خضعت لعملية جراحية معقدة استمرت ساعتين وتطلبت طبيبين بيطريين وشرائح ومسامير ربط لتقويم الكسور في عظام القدمين والجناح.

بتكلفة 7 ألاف جنية، العملية تمت لإنقاذ الفرخة اللي وقعت من فوق بيت صاحبها

الخبر ده انتشر بشكل كبير علي مواقع كتير جدا والكومنتات والأراء بدأت تظهر من كل حتة.
والسؤال: ايه اللي حصل بالظبط وايه حقيقة الموضوع؟

https://www.facebook.com/asnangy/posts/2912783812290108

دكاترة بيطريين دول ولا أبطال ولا في كلام تاني؟

بناءاً علي البوست العملية اتكلفت 7 الاف جنية وصاحب الفرخة (اللي اسمها ليسكي) كان علي استعداد يدفع أكتر، أو حتي يسفرها برة مصر لعلاجها، لكن الدكتور أحمد والدكتورة ايمان ابو المجد استقبلوا الفرخة المصابة في عيادتهم، في مدينة سافاجا، وبناءَ علي كلام دكتور أحمد أنه طمن صاحب الفرخة، السويسري الجنسية، أنه هيقدر ينقذها.

ورغم التحدي في إيجاد الشرائح والمسامير المطلوبة، بحجم عظام الفرخة، إلا أن دكتور أحمد قدر يتصرف وأنقذ الفرخة بالفعل وخلاها عنده في العيادة لمدة يومين لمتابعة الحالة.

بعد التواصل مع دكتور أحمد علشان يعلق علي اللي حصل ده وأكد الخبر وحكي تفاصيل الحادثة وازاي اضطر يتواصل مع اطباء من خارج مصر علشان يساعدوه ينقذ الفرخة المسكينة.

الفرخة ليكسي مطلعتش ليكسي والخبر طلع فيه كلام تاني

بعد ما صحينا النهاردة علي الخبر ده، وبعد البحث والتدقيق لقينا أن فيه خبر شبيه جداً بيه بنفس الصور منتشر علي اكونت علي الانستجرام من اربع ايام.

الخبر علي انستجرام من حساب برازيلي وبيقول أن في واحد لقي الفرخة (أنا فلوكوينيو) في الشارع علي الرصيف وكانت في حالة سيئة جداً بعد ما تم استخدامها في طقوس دينية غريبة ادت لكسور في الجناح والقدمين وكدمات في الاعضاء الداخلية. المواطن البرازلي نقل الفرخة لمركز بيطري بيشتغل فيه طبيب اسمه (خوليو أرودا) وهناك خضعت للعملية الجراحية اللي تم فيها تركيب مسامير وشرائح تقوم للعظام.

https://www.instagram.com/p/CFH1CrQnk9L/?utm_source=ig_web_copy_link

نفس الخبر بالصور انتشر في نفس الوقت علي أكونت المركز البيطري اللي بيشتغل فيه دكتور خوليو

https://www.instagram.com/p/CFNF_nEHJTg/?utm_source=ig_web_copy_link

قام المركز البيطري بنشر الخبر مع صور أكتر. بعض من الصور كانت من داخل غرفة العمليات وبتوضح جزء من الجراحة اللي خضعت ليها الفرخة.

أمال أيه موضوع ليسكي اللي انقذوها في مرسي علم دي؟

في محاولات للتواصل مع الدكتور المصري (أحمد)، اللي نسب العملية الجراحية لنفسه وتأكيد تفاصيل الحادثة والصور، قال أنه  الخبر البرازيلي ممكن يكون حاجة شبيهة بالعملية اللي تمت في عيادته وطلب شوية وقت علشان يبعت صور الفرخة لتأكيد الخبر.

بعد شوية وقت الدكتور المصري قفل تليفونه واختفي من علي السوشيال ميديا تماما.

المهم أن الفرخة ما زالت في العيادة البيطرية في البرازيل وهي كويسة وعلاجها كمل علي أكمل وجه ودلوقت في رعاية ناس بتحبها وأحنا مبسوطين لها جداً 

Avatar of Ahmed Dahabi

Written by Ahmed Dahabi

Contributor

What do you think?

-1 Points
Upvote Downvote

Leave a Reply

Your email address will not be published. Required fields are marked *

588730354

لو كنت بتحب فريندز بجد وشفت كل حلقة في المسلسل، شوف هتعرف تجاوب كام سؤال

hala sarhan

بمناسبة تجديد قصر البارون: هالة سرحان تفتح ملفات عبدة الشيطان مرة تانية وفخر الصحافة الصفرا