in

LoveLove

إفتتاح مهرجان القاهرة السينمائي 2020 في دورته الـ 42 وفعاليات جديدة ومختلفة

مهرجان القاهرة السينمائي : أول وأقدم مهرجان سينمائي في أفريقيا ومنطقة الشرق الأوسط كلها

7 Egyptian Designers Who Stole the Spotlight at the Cairo International Film Festival Red Carpet

النهاردة يوم إفتتاح مهرجان القاهرة السينمائي الدولي ومنتظرين فعالياته العريقة في دورته الـ 42 واللي بتتعرض فيه مجموعة كبيرة من الأفلام من أفضل الإنتاجات العالمية.

كمان منتظرين ظهور النجوم علشان نشوف طلاتهم في مهرجان الموضة اللي بيعرضلنا أحسن إنتاجات الفاشيون في العالم.

مهرجان القاهرة السينمائي في دورته الـ 42

كان عُقد مهرجان القاهرة السينمائي الدولي، في الثانية عشر من ظهر يوم الاثنين الموافق 16 نوفمبر الجاري، مؤتمرًا صحفيًا للإعلان عن تفاصيل الدورة 42، واللي بتقام خلال الفترة من 2 إلى 10 ديسمبر الجاي، وده بحضور محمد حفظي رئيس المهرجان، وعمر قاسم المدير التنفيذي، وعلياء زكي مدير أيام القاهرة لصناعة السينما، وميريام دغيدي مدير ملتقى القاهرة السينمائي، وأندرو محسن منسق المكتب الفني ومدير مسابقة سينما الغد للأفلام القصيرة، وأسامة عبد الفتاح مدير مسابقة أسبوع النقاد، ورامي عبد الرازق مدير المسابقة العربية، ومعاهعم عدد من صناع السينما.

المؤتمر الصحفي وعرض فعاليات مهرجان القاهرة السينمائي

خلال المؤتمر الصحفي، اللي تم بثه على الهواء مباشرة عبر شاشة dmc، وعبر منصات المهرجان على مواقع التواصل الاجتماعي، كشفت إدارة المهرجان، عن قوائم الأفلام المشاركة في المسابقات والبرامج المختلفة، وأبرز الورش وجلسات النقاش التي من المقرر إقامتها ضمن فعاليات أيام القاهرة لصناعة السينما واللي بتوفر كمان للمحترفين فرص للشراكة والتشبيك مع المجتمع السينمائي الدولي.

بالإضافة إلى تقديم جوائز قيمة لمشروعات الأفلام في مرحلتي التطوير وما بعد الإنتاج للمشاركة في ملتقى القاهرة السينمائي.

كمان بيعلن خلال المؤتمر عن الإجراءات الاحترازية التي هيتم تطبيقها بشكل صارم طوال أيام المهرجان، لضمان سلامة الجميع، وحمايتهم من خطر التعرض للإصابة بفيروس كورونا.

السجادة الحمراء ونجوم الفن في مهرجان القاهرة السينمائي

بتستقبل السجادة الحمراء للمهرجان كل سنة مجموعة متنوعة وساحرة من الأزياء اللي بتمثل أحدث أشكال الموضة في كل حتة في العالم، ويعتبر المهرجان من أول دورة ليه مسرح كبير جداً نقدر من خلاله نتتبع مراحل تطور الموضة في العالم.

الفنانين من رجالة وستات بيلبسوا أحسن الأزياء وبيعرضوا إختياراتهم للموضة علي السجادة الحمراء في كرنفال موضة بيستمر طوال أيام فعاليات المهرجان.

,ولأن صناعة الموضة كانت وماتزال واحدة من أهم مميزات القاهرة كموطن للسينما العربية ورائدة فيها، بنستني نشوف الشكل الجديد لصيحات الموضة اللي بيبدأها الفنانين الجريئيين اللي بيلبسوا من أحسن تصميمات المصممين المصريين والعرب والعالميين وبيبهرونا بأختياراتهم لكل جديد ومميز في عالم الأزياء

العواقب اللي بتواجه إقامة مهرجان القاهرة السينمائي الدولي في دورته الـ 42

طبعاً في مجموعة كبيرة من العواقب اللي واجهت إقامة المهرجان في سنة 2020 بسبب الظرةوف اللي العالم كله بيمر بيها.

وباء الكورونا اللي بيهدد العالم كله كان أكبر عقبة في طريق إدارة المهرجان، وعلشان يتغلبوا عليه كان لازم  يتأكدوا من تقييم سبل الأمان للحاضرين: زي التأكيد علي التباعد الإجتماعي وفحص الحاضرين قبل الدخول للتأكد من درجة الحرارة واستخدام الكحول والمعقمات.

والتأكيد علي منح مساحات مفتوحة وكبيرة جداً علشان ميحصلش تكدس خلال فعاليات المهرجان علي مدار أيامه كلها.

وإقامة الفعاليات في أجواء مفتوحة هيساعد جداً علي تقليل فرص نقل العدوي بين الحاضرين، لو حصلت!

مهرجان عريق ورائد في فن السينما

والإفتتاح، اللي بدأ النهاردة، استقبل عدد كبير جداً من النجوم المصريين والعرب والعالميين لحضور فعالياته ولتكريم أعمالهم السينمائية زي ما اتعود علي مدار 42 سنة من العراقة السينمائية والريادة.

ومن الجدير بالذكر أن مهرجان القاهرة السينمائي هو أول وأقدم مهرجان سينمائي في أفريقيا ومنطقة الشرق الأوسط كلها.

إفتتاح المهرجان بعرض فيلم الأب

كان المهرجان قد كشف مؤخرا عن اختيار الفيلم البريطاني الفرنسي «الأب ــ The Father» إخراج فلوريان زيلر، لافتتاح الدورة 42، فى عرضه الأول بالعالم العربى وأفريقيا، والذي يشارك في بطولته الممثل القدير آنتونى هوبكنز الذى يعد أحد أبرز الممثلين فى العالم، والحاصل على أرفع الجوائز، ومن بينها؛ الأوسكار والبافتا، والممثلة الإنجليزية الحاصلة على الأوسكار أوليفيا كولمان.

كمان أعلن المهرجان عن تكريم الكاتب الكبير وحيد حامد بجائزة الهرم الذهبي التقديرية لإنجاز العمر، والفنانة منى زكي بجائزة فاتن حمامة للتميز، بالإضافة إلى عدد من الأفلام الحاصلة على أرفع الجوائز في المهرجانات الكبرى ومن بينها الفيلم الأمريكي (Nomadland – أرض الرُحّل) ، في عرضه الأول بأفريقيا والعالم العربي.

العرض العربي الأول لفيلم حنة ورد في مهرجان القاهرة السينمائي

وزير التعليم ينادي بضرورة القبول العابرين جنسياً: مين دول وأيه حكايتهم؟

وزير التعليم ينادي بضرورة قبول العابرين جنسياً: مين دول وأيه حكايتهم؟

Amir Ramses's Movie Curfew Premieres at Cairo International Film Festival

Amir Ramses’s Movie Curfew Premieres at Cairo International Film Festival