in

SadSad LoveLove

مين ليللي كريا و ليه لازم تعرفوا اللي بيحصلها في الشارع

مين ليللي كريا و ليه لازم تعرفوا اللي بيحصلها في الشارع

ليللي كريا مغنية شابة جميلة بتغني بالعربي وبالإنجليزي..اتعرفت وقت كورونا من تيك توك بستايل غناها المختلف لما غنت أغاني مهرجانات وأغاني لويجز بطريقة جديدة ع الناس, وده بسببه برضو واجهت مشاكل وانتقادات كتيرة. أول أغنية نزلت لليللي كان مهرجان “حرب وشوش” مع مسلم. ولسة نازل لها أغنية جديدة من أسبوعين اسمها “حد جديد”.

مين ليللي كريا و ليه لازم تعرفوا اللي بيحصلها في الشارع

يوم الأحد ١٩ سبتمبر ٢٠٢١ نزل ڤيديو لايڤ على صفحة إنستجرام ليللي كريا بتسجل فيه حادثة التحرش اللي تعرضت لها في الشارع اللي هي ساكنة فيه..ليللي واجهت مشاكل كتير في الحادثة بس مسكتتش على حقها عشان عارفة عقوبات التحرش في القانون.

https://www.instagram.com/p/CUAgWRpoL9T/

أبو المتحرش كان بيتفرج عليه وساكت

في الڤيديو المتحرش كان بيكمل عادي وهو عارف إنه بيتصور ومش معترض..لأ وكمان أبوه كان شايف ومش معترض, لا ده بالعكس كان بيحاول يعتدي عليها هي ب”شبشب”.. ليللي بتكمل بتقول إن المتحرش وأبوه عارفين إنها ساكنة في الشارع ده..بس حاجة زي دي مفرقتش معاهم وكملوا! 

رد فعل ليللي كان فيه شجاعة كل بنت نفسها تكون عندها

ليللي مكانتش خايفة منهم وفتحت  ڤيديو لايڤ على صفحتها على الإنستجرام اللي فيها أكتر من ١٠٠ ألف متابع.. كان صوتها واضح ومسموع في الڤيديو، اعتراضها كان “مش معقول أنزل الشارع كل يوم حد يتحرش بيا” و “شكراً يا رجالة مصر يا اللي شاهدين على التحرش”.

من الحاجات الغريبة اللي حصلت

رد فعل الناس اللي في الشارع وكان في ردود زي “عيب يا بنتي” و”وطي صوتك” بدل ما يتكلموا معاه ويغلّطوه هو، كمان لما نزلت الڤيديو الناس كانوا بيهاجموها هي وعايزينها تمسح الڤيديو..حاجة مؤسفة وحزينة جدًا. 

ليللي كريا مسكتتش

قالت إنها عملت محضر بالڤيديو وقالت في ستوري  يوم الإثنين ٢٠ سبتمبر ٢٠٢١ إن الشرطة عرفت تلاقي المتحرش وتم القبض عليه وحاليًا في النيابة والتحقيقات هتكمل. ليللي مش هتسكت  و هتستنى إن حقها ييجي. ليللي في الستوريز بتقول إنها جايلها تهديدات كتيرة من أهل الولد إنهم هيأذوها لو الولد اتسجن, وإنها أضطرت تسيب بيتها عشان مش حاسة بالأمان. للأسف، كمان بتقول إن الناس اللي كانوا واقفين رفضوا إنهم يشهدوا معاها.

عقوبات التحرش بقت أكبر

بنفكرك إنك ممكن تعملي محضر لأي حد بيتعرض لك في مكان عام أو خاص بإيحاءات جنسية حتى ولو بالإشارة مش بس القول أو الفعل.. والعقوبة ممكن توصل لسنتين سجن وغرامة تتراوح من بين ١٠٠ ل٢٠٠ ألف جنيه مصري وده غير إن المجلس القومي للمرأة هيساعدك. ولو الفعل ده اتكرر من المتحرش أو حاول يتابع المجني عليها هتكون العقوبة من ٣ ل٥ سنين سجن وبغرامة تتراوح من ٢٠٠ ل٣٠٠ ألف جنيه مصري.

كمان لو المتحرش له سلطة على المجني عليها أو حاول يستغل الظروف ويضغط عليها  زي سلطة أسرية، أو وظيفية، أو دراسية..أو لو كان معاه سلاح..أو لو كانوا أكتر من شخص، العقوبة هتكون مش أقل من ٧ سنين سجن.

إنك تقول كلمة الحق مش عيب، بس العيب انك تقف مع واحد متحرش وتبرر له اللي بيعمله. ليللي مش أول ولا آخر بنت بيتم التحرش بيها لإنه للأسف واقع مرير مفروض علينا كلنا. 

بنشجع ليللي وكل بنت بتقرر انها تدافع عن نفسها و متسكتش ولا تسيب حقها واحنا هنفضل في ضهرها. وبنشكر كل واحد يقرر إنه يقف ويشهد كلمة حق. قوليلنا لو إنتي في مكانها هتقدري تتصرفي زي ما هي عملت؟

Avatar of Rowan Mahmoud

Written by Rowan Mahmoud

Hi! I hope you're having a great day. I'm a marketing graduate who’s all about “spilling the tea”. In my articles, I’ll help you know you get all the latest news and know your final decision about many stuff.

What do you think?

15 Points
Upvote Downvote

One Comment

Leave a Reply

Leave a Reply

Your email address will not be published. Required fields are marked *

First Look at Savage X Fenty Show Vol. 3

First Look at Savage X Fenty Show Vol. 3

How 2021 Became the Year of Y2K Egyptian Pop Music Comeback!

How 2021 Became the Year of Y2K Egyptian Pop Music Comeback!