in

WTFWTF OMGOMG

الميكروباص الشبح على كوبري الساحل مختفي بقاله اكتر من 24 ساعة – راح فين؟

كوبري الساحل

ايه قصة كوبري الساحل؟ هل ممكن ميكروباص يقع و ناس تختفي و محدش يبلغ عنهم ولا يحس بيهم؟ هو مش حوادث الطرق كانت اصلا قليلة في مصر الفترة اللي فاتت؟

حوادث الطرق و على الكباري في مصر و بحسب تصريحات الدكتورة هالة زايد وزيرة التخطيط ان عدد الوفيات الناجمة عن حوادث الطرق في مصر قلت من 13 الف في 2018 الى 12 الف في 2019 الى 7 الاف في 2020 و ده تقدم هائل بسبب شبكة الطرق الجديدة اللي مصر بتعملها.

اومال ايه اللي حصل و خلانا بنسمع عن حادثة جديدة عن ميكروباص شبح وقع في النيل؟ هل فعلا فيه كائنات فضائية؟ الحادثة دي حصلت فعلا ولا اي كلام؟ طب فيه ناس ماتت؟ يلا بينا نشوف.

ايه اللي حصل على كوبري الساحل؟

3 شهود عيان (اتنين اخوات و قريبهم) كانو ماشيين على كوبري الساحل و ابلغوا عن الحادثة دي لشرطة ناجدة الجيزة و قالوا انهم شافو جسم ابيض كبير بيقع من على الكوبري و عمل انفجار كبير في النيل الساعة 2 و 10 دقايق الظهر يوم الاحد و قالوا انه ممكن يكون ميكروباص.

الساعة 2 و تلت كان رجال الانقاذ النهري موجودين و مباحث الجيزة كمان و قايمين بدورهم لحد اللحظة دي بيحاولوا يلاقوا اي دليل او اثر للحادثة.

كوبري الساحل

و كان ملحوظ جدا ان بعد مطلع كوبري الساحل ب 10 متر فيه جزء من سور الكوبري مش موجود برغم انه ملحوم في بعضه من اطرافه فا عدم وجوده دليل على وجود تصادم غير طبيعي (حادث) خلاه يبقا مش موجود و دي منطقة معروف ان بيحصل فيها سرعة كبيرة من السواقين و بيحصل فيها حوادث.

 المباحث و رجال الانقاذ عملوا ايه؟ 

 بعد ما المباحث وصلت مكان الحادث رصدت فيديو من كاميرا قصاد الكوبري الناحية التانية و شافو فعلا جسم ابيض كبير متجه من امبابة للتحرير بيقع في النيل من على الكوبري الساعة 2 الظهر لكن مش باين هل عربية نقل كبيرة ولا ميكروباص.

و كمان اكتشفوا وجود زجاج على الارض و لكن عرفوا بعد كده انه زجاج خاص بتوكتوك خبط في السور مش ميكروباص.

محدش ابلغ عن غياب اي شخص الى الان و الموضوع ممكن ان يكون بلاغ كاذب و لكن جهود الاجهزة الامنية لن تتوقف حتى ان نصل لليقين.. و لا يمكن ان يتحرك جسم الميكروباص بعيدا في مياه النيل و عادة يظهر في اقل من 24 ساعة و كذلك اي جسم

حامد العقيلي مساعد وزير الداخلية الاسبق للمسطحات المائية

رجال الانقاذ من يوم الاحد 10 اكتوبر شغالين في البحث عن اي اثر لميكروباص في النيل او اي اثر لجثث ركاب الميكروباص اللي بيوصل عددهم ل 14 راكب و اللي المنطقي ان جثثهم كانت هتطفوا على سطح الماية لو موجودين فعلا او حاجة من متعلقاتهم لكن محصلش و مفيش اي اثر كمان لميكروباص.

و للعلم ماية النيل غير ماية البحر في العمق يعني لو فيه حاجة غرقت في النيل بيكون اسهل الوصول اليها عن لو غرقت في البحر مثلا و نطاق النيل في مكان الحادثة محدود حتى لو فيه رياح قوية ادت ان الميكروباص يبعد عن مكانه و هو بيقع.

اهالي الناس دي فين؟ محدش بلغ عن غيابهم؟

سؤال منطقي لكن الاجابة غريبة لان فعلا محدش بلغ عن غياب اي شخص نهائي.. و الميكروباص كمان محدش بلغ عن فقده و لما رجال المباحث رجعوا لموقف السيرفيس اللي المفروض يكون طالع منه الميكروباص كل السواقين اكدوا ان مفيش اي عربية ناقصة و السواقين كلهم موجودين.

الموقف بيبقا شغال فيه عدد ثابت من الميكروباصات بيتناوب عليها سواقين معينين مبيتغيروش يعني كلهم عارفين بعض كويس.

السؤال هنا بقا هو فعلا فيه ميكروباص وقع؟ طب لو موقعش ايه الصورة المتداولة دي؟

المباحث اكدت أنها صور قديمة حصلت في سنة 2013 أثناء حالة الفوضي والارهاب بعد ثورة 30 يونيو.

صورة متداولة من حادث عربية  على كوبري االساحل

هل ممكن البلاغ يطلع مش حقيقي؟ ايه اللي هيحصل وقتها؟

اكيد ممكن و بتحصل كتير بلاغات كاذبة و اشاعات على السوشيال ميديا بجرايم قتل او خطف و لكن في الحالات اللي زي دي بيتم اعتباره بلاغ كاذب و ده له عقوبة في القانون بتهمة ازعاج سلطات و ساعتها ال 3 اللي بلغوا عن الحادث هيتم معاقبتهم.

في النهاية بنتمنى ان حادثة كوبري الساحل و الميكروباص الشبح متكونش حقيقية و محدش يكون توفى و لسه احنا في انتظار اي تفاصيل من المباحث و رجال الانقاذ عشان نفهم اكتر و نطمن.

Avatar of Omar Bakry

Written by Omar Bakry

Passionate Content Creator, my Mission is to let you know the Unknown and Write Content that serves your interests.

What do you think?

Leave a Reply

Your email address will not be published. Required fields are marked *

My Experience with High Functioning Depression

My Experience with High Functioning Depression

فيلم التحريك ليل

أحمد صالح يكشف تفاصيل صناعة فيلم التحريك ليل