OMGOMG

جواز درة من هاني سعد وردود الأفعال علي السوشيال ميديا: الدرة اللي بقت ضرة

بعد خبر جواز الممثلة درة من المهندس هاني سعد اختلفت ردود الفعل علي السوشيال ميديا ولكن معظمها اتفق في الهجوم علي درة اللي وافقت تكون ضرة

جواز درة من هاني سعد وردود الأفعال علي السوشيال ميديا: الدرة اللي بقت ضرة

تحديث بتاريخ 3 نوفمبر 2020. في مداخلة مع اذاعة موزاييك، بعتت الممثلة درة رسالة صوتية بتقول فيها ان جوزها، هاني سعد، مطلق وانها مش زوجة تانية.

النهاردة انتشر خبر جواز درة زروق, الممثلة التونسية الجميلة, علي المهندس المصري ورجل الأعمال هاني سعد.

بالبوست ده علي انستجرام درة، عرفنا بخبر جوازها، والتهاني جاتلها من ممثلين ومشاهير كتير، منهم اسر ياسين والممثلة التونسية هند صبري وجومانة مراد وغيرهم كتير.

الفرح اللي اتعمل في احد فنادق الجونة حضره مجموعة كبيرة من الفنانين، منهم أسر ياسين وخالد الصاوي.

رد الفعل علي جواز درة اللي بقت ضرة

بعد اعلان جوازهم جات ردود الأفعال شديدة جداً علي السوشيال ميديا، ومعظمها بيهاجم درة علي جوازها من هاني سعد لأنه متجوز وعنده اولاد، وانها قبلت تكون ضرة علي أم أولاده.

وبعد ساعات قليلة، طلعت مراته الأولي ببوست علي الفيسبوك وقالت انها متطلقتش من هاني سعد وانهم لسه متجوزين وان كل الاشاعات دي مش حقيقية.

جواز درة من هاني سعد وردود الأفعال علي السوشيال ميديا: الدرة اللي بقت ضرة

البوست اللي كتبته مرات هاني سعد الأولي يوم 5 اكتوبر 2020 احتفالا بعيد ميلاده، وبتقوله انهم مروا بظروف كويسة وظروف وحشة لكن قدروا يتغلبوا عليها ويتعلموا منها. وان من الحاجات اللي اتعلمتها انها بتحبه ومتقدرش تعيش من غيره.

وبعد خبر جوازه من دره لقينا التعليقات علي السوشيال ميديا كلها بتستنكر اللي حصل ده ومش متقبلاه خالص.

جواز درة من هاني سعد وردود الأفعال علي السوشيال ميديا: الدرة اللي بقت ضرة

وفي التعليقات الناس كانت صعبان عليها مرات سعد الأولي وبتقدر قد ايه هي متفاجأة وحزينة انها عرقت الخبر من السوشيال ميديا وان ده اكيد سببلها صدمة كبيرة، وكان الكل بيهاجم قرار سعد ودرة بالجواز.

جواز درة من هاني سعد وردود الأفعال علي السوشيال ميديا: الدرة اللي بقت ضرة

الحقيقة، سواء اتفقنا او اختلفنا مع جواز سعد من درة علي مراته الأولي، فلازم نوضح حتة ان علاقة درة وسعد معروفة من يناير 2020، لما حضر عيد ميلادها واتصورت معاه في العربية اكتر من مرة وكمان كتبلها علي بوست علي الانستجرام بحبك وردت عليه “بحبك” وبعدها مسحوا الكومنت خالص.

ورغم ان خبر الخطوبة والجواز بينهم انتشرت حواليه اشاعات كتير من اول سنة 2020 وانهم كانوا دايماً بيطلعوا ينكروا ان في ما بينهم اي علاقة او انهم بيخططوا للجواز الا ان الوسط الفني كله كان عارف ان في مشروع ارتباط بين سعد ودرة، وبالتالي ففكرة ان مراته الأولي اتفاجأت دي مش حقيقية خالص، هي عارفه بالموضوع زي كل الناس.

لكن نرجع نقول اننا متفهمين انها اكيد حزينة ومصدومة مهما كان، واحنا متعاطفين جداً معاها ودعمنا كله في صفها. لكن اللي بيحصل علي السوشيال ميديا من مبالغة في دراماتيكية الموضوع بيزود الصدمة والضغط النفسي علي مرات سعد الأولي، مش بيهون الأمور خالص!

ردود فعل الشارع التونسي علي خبر جواز درة

يمكن اكتر رد فعل يمثل الشارع التونسي هو رد فعل البرلمانية السابقة وزعيمة اعتصام الرحيل 2، فاطمة المسدي، اللي هاجمت درة وقالت انها خلت الدرة بقت ضرة وذلت المرأة التونسية لما قبلت تكون زوجة تانية.

ولأن القانون التونسي الجديد، بعد الثورة التونسية، بيجرم تعدد الزوجات وبيفرض عقوبات علي اللي بيعملوا كدا، قالت المسدي ان درة رجعت المرأة التونسية سنين ورا، بعد ما كانوا بيحاربوا علشان يحرروها من قيود الشريعة والذكورة المسمومة والتقاليد الشرقية اللي بتستعبدها، علي حسب كلام المسدي، وان الحرب اللي شنتها المرأة التونسية علشان تاخد حقوقها، ذلتها درة بجوازها من سعد.

رغم ان معظم ردود افعال الشارع التونسي كانت شبيهة برد فعل المسدي، إلا ان البعض زي الممثلة التونسية هند صبري باركلها بمناسبة الفرح.

التناقض بين القانون التونسي وجواز درة

درة كمواطن تونسي تخضع لقانون بلدها اللي بيجرم تعدد الزوجات وبالتالي زواجها من سعد في مصر مش معترف بيه في تونس وعلشان ينطبق علي الاراضي التونسية لازم تخضع للقضاء وتحاول تقنعه بحجة زواجها علي اراضي مصرية بقانون مصري. يعني لسه مستنيها حوار طويل اوي في تونس وفي سفارات الخارجية في البلدين.

What do you think?

Avatar of Ahmed Dahabi

Written by Ahmed Dahabi

Contributor

Leave a Reply

ViuFoxAnnouncement

Viu expands international offering to its MENA audiences with FOX+ partnership

0001 12634637776 20201103 144940 0000 1

بعد اتهام احمد مالك في سرقة كوندوم، نظرة متفحصة لتاريخ مشبوه مع الكوندومز