إيه الضحك ده: وثائقي عن الجد في الكوميديا والكوميديا في الجد

لما بنروح ستاند أب كوميدي ولما بنتفرج علي عرض كوميدي في أي حتة، بنضحك وبننبسط وبنطلع فايقين من ضغوط الحياة والضغوط النفسية اللي عايشينها وبنكمل حياتنا مبسوطين.

لكن هل فكرنا قبل كدا في الحكاية اللي ورا صناعة الكوميديا؟ ايه اللي بيحصل ورا المسرح ده قبل ما الناس دي تطلع تضحكنا وتبسطنا كدا؟

بكرة، 23 ديسمبر هيكون في العرض الأول للفيلم في دار الأوبرا المصرية مع الـ Panel الساعة 6 بالليل.

يوم 27 ديسمبر هيكون في عرض لفيلم وثائقي مصري اسمه “إيه الضحك ده” في Room Art Space New Cairo، العرض هيبدأ الساعة 8:30 بالليل، وبعد العرض هيكون في جلسة مناقشة مع صناع الفيلم.

وفي عرض في أسكندرية يوم 30 ديسمبر، في Venue TBD بس لسه تفاصيل العرض لم يتم الإعلان عنها.

That's so funny – إيه الضحك ده؟ Official trailer
The film I've been working on for 3 years is finally here, can't believe it still. So happy to announce it will be screened next week! Check the trailer now and check screening times below. This film was shot with more than 40 Egyptian Stand up Comics/Social media Influencers! Awards & Nominations:* Best comedy feature (RAGFF 2019)* Recognition Award (Impact Docs)* Nominated for best documentary (Cine4all Fest 2020)Screening times: * Wednesday 23rd Dec, Festival premiere, 5:30PM in Cairo opera house سينما الإبداع: https://www.facebook.com/events/1531164303939551/* Sunday 27th Dec, Room Art Space New Cairo, 8:30PM: https://www.facebook.com/events/196280698838943/* Friday Jan 30th, Alexandria, Venue TBD.Vimeo Link: https://vimeo.com/489980042Written by: Mohamed A-h Farouk , Islam OmarShot, Edited and Directed by: Mohamed A-h FaroukMain Role: Mohamed MorganProduced by: Hashem El Garhy, الحزب الكوميدي Al Hezb El ComedyB-roll: Ahmed Elsharkawy, Mizo BarbaryMusic: Hawas هوس, Bartama برطمة, Portrait Avenue, النوتالنتس – El NoTalentsSound mix: Mohamed A-h FaroukSubtitles: Ahmed Elsharkawy, Mohamed A-h Farouk
Posted by Mohamed A-h Farouk on Monday, December 14, 2020

إيه الضحك ده، هو فيلم عن صناعة الكوميديا في مصر. عن ازاي الكوميديان بيجهز للعرض بتاعه ويعمل النكتة اللي بتضحك الجماهير.

حكاية ناس شغلانتها انها تضحك الجمهور بغض النظر عن اللي بيحصل في حياتهم. ازاي بينتصروا علي أوجاعهم ومشاكلهم وخيباتهم في الحياة علشان يطرقعوا علي المسرح ويضحكونا.

إيه الضحك ده: صناعة فيلم جد جداً عن الكوميديا والضحك

بعد شغل استمر تلات سنين علي الوثائقي ده، الصناع بيقدمولنا فيلمهم اللي بيتتبع حياة ستاند أب كوميديانز في مصر وهما بيدوروا علي أسباب تخليهم يشتغلوا في صناعة الكومديا. وبيمشي مع حكاية كوميديان مصري جديد بيحاول يعمل عرض كوميدي في الوقت اللي بيمر فيه بيوم مشاعره فيه متلخبطة ومش مظبوطة.

فيلم عن تكتيكات الصنعة وأسرارها والخبايا بتاعتها وعن الناس اللي بيعملوها، بس وهما برا المسرح، علي حقيقتهم في صراعهم مع الحياة. وعن حياتهم في أوقات الجد اللي بيعيشوها وهما بيصنعوا الضحك والكوميديا.

عن اللحظات القصيرة اللي قبل ما يطلع علي المسرح واللي بتكون بالنسبالهم طويلة وأحياناً صعبة ومعقدة، وازاي بتكون لحظات محورية في الصناعة، علشان يقدر الكوميديان يفصل ذاته عن ذاته ويلبس شخصية الكوميديان اللي طالع يصقف ويطرقع ويضحك معانا ويبسطنا.

الكوميديا مش بس ضحكة: الكوميديا حكاية صناعة كبيرة

أيه الضحك ده

الفيلم بيناقش الصناعة علي شكل حكايات وقصص الناس اللي بتشتغلها. بيحكي حكايات عميقة وبيتتبع رحلات طويلة ومتعبة في الحياة وفي الشغل وفي أسباب الضحكة ومكامنها المستخبية.

هو فيلم عن الضحك والفرحة، والحقيقة والإنسان. فيلم بكل البساطة بتاعتنا وبكل التعقيدات بتاعتنا عن الكوميديا، عننا إحنا.

الفيلم من بطولة محمد مرجان. كتابة محمد فاروق وإسلام عمر. تصوير وتعديل وإخراج محمد فاروق.

من إنتاج هاشم البربري وبمساعدة أحمد الشرقاوي ومعاذ البربري.