in

LoveLove

في اليوم العالمي لوسائل منع الحمل..مصر بتعمل ايه؟

condom and tablet packs

في اليوم العالمي لوسائل منع الحمل, حبينا نقولك أن في طفل بيتولد كل ١٤ ثانيه في مصر! النهاردة التعداد السكاني لمصر وصل ١٠٤،٧٠٣،٠٧٤. التكدس السكاني واحد من أكبر المشاكل اللي مصر بتواجه وتحاول توصل لحلول له من زمان. 

في وسائل منع كتير هنعرفها من خلال المقال ده، وكمان هنعرف دور الأمم المتحددة في تنظيم الأسرة في مصر.

طب ايه الحلول اللي ممكن نعملها؟

 أهم حل هو تنظيم النسل  عن طريق وسائل منع الحمل الآمنة للرجال والسيدات لأنها مسؤولية مشتركة بين الأتنين.

سألنا دكتورة نسا وتوليد عن وسائل تنظيم النسل:

قالت لنا إن الوسائل تنظيم النسل بتشتغل بكذا طريقة:

  • منع الحيوانات المنوية من إنها توصل للبويضة.
  • منع التبويض من المبيض كل شهر.
  • تعطيل الحيوانات المنوية.
  • زيادة سمك مخاط عنق الرحم علشان الحيوانات المنوية متوصلش بسهولة.
  • تغيير بطانة الرحم عشان البويضة المخصبة متوصلش لها.

طب ايه وسائل تنظيم النسل؟

  • وسائل عازلة زي غطاء عنق الرحم والحلقة المهبلية والواقي الذكري والأنثوي.
  • وسائل موضوعية زي لبوس موضعي.
  • وسائل هرمونية قصيرة المدى
  • في لمدة ١٢ ساعة فقط زي أقراص ليفونورجيستريل. 
  • في الشهري زي أقراص منع الحمل زي حبوب البروجيسترون أو الحقن الشهرية زي هرمون استروجين وبروجيسترون. 
  • في حقن كل ٣ شهور زي الأسيتات ميدروكسي بروجستيرون.
  • وسائل هرمونية طويلة المدي
  • اللولب الهرموني  بتشتغل ل٥ سنين وأكتر.
  • مانع الحمل المزروع تحت الجلد وده بيشتغل لمدة ٣ سنين.
  • ممكن كمان طرق التوعية بالخصوبة زي معرفة أيام الخصوبة ومنع الجنس في الأيام دي.

حملة “حقك تنظمي” التابعة صندوق الأمم المتحدة للسكان في مصر بتشتغل على حلول للتكدس السكاني عن طريق التوعية. عرفوا إن سبب زيادة السكان هو ارتفاع معدل الخصوبة، وتوقف استعمال وسائل تنظيم الأسرة. 

انهاردة، ٢٦ سبتمبر ٢٠٢١، في اليوم العالمي لوسائل منع الحمل كان في حفل توقيع شراكة بين باير الشرق الأوسط وصندوق الأمم المتحدة للسكان في مصر لدعم حملة وزارة الصحة والسكان “حقك تنظمي” في اليوم العالمي لوسائل منع الحمل حملة.

في اليوم العالمي لوسائل منع الحمل..مصر بتعمل ايه؟

حفل الشراكة كان بحضور سفير الجمهورية الألمانية، السيد فرانك هارتمان، والأستاذ الدكتور أحمد المناوي، استاذ جراحة النسا والتوليد في جامعة القاهرة ومدير مختبر المحاكاة الافتراضية للمنظار واكتساب المهارات في القصر العيني.

الحفل كان بيشارك فيه صندوق الأمم المتحدة للسكان مع أهم الداعمين للصندوق في الدول النامية كله “شركة باير” بحيث إنها تعهدت إنها هتمول الحملة ب٣٣٠ ألف يورو وكمان ٥٠ ألف يورو خلال ٢٠٢١، وده غير ٧٠ ألف يورو لحد ٢٠٢٥ عشان تسهل وصول وسائل تنظيم النسل لمئات آلاف الستات في مصر. الحملة هدفها تعريف الناس بأهمية تنظيم الأسرة وازاي نحل أزمة التكدس السكاني.

في اليوم العالمي لوسائل منع الحمل..مصر بتعمل ايه؟

ممثلة صندوق الأمم المتحدة للسكان في مصر، فريدريكا ميير قالت لنا في كلمة للشاي أزاي أحنا كلنا ممكن نساعد

قالت لنا فريدريكا ميير:

إن إحنا نقدر نساعد بإننا نقول للناس إن “طفلين كفاية” علشان نقدر نوفر لهم الدعم المادي والمعنوي والصحي. كمان قالت إن كفاية ضغط ع الستات عشان يجيبوا أكتر من طفل عشان لازم تجيب “الولد”. 

والأهم من كدة هو تصحيح المعلومات الغلط والأشعات

في كلام كتير غلط  بيتقال عن خطورة وسائل منع الحمل والآثار الجانبية بتاعتها. عرّفتنا إنها مش بتمنع الخصوبة ولا بتأثر عليها وإن لازم نفهم ونسأل دكتور متخصص في المعلومات اللي تخص حاجات زي دي.

عرفنا كمان إن دلوقتي في عيادة تنظيم الأسرة في مستشفى جامعة عين شمس بالتعاون مع وزارة الصحة والسكان بيكون فيها الكشف مجاني هدفها بناء قدرات مقدمي الخدمات في المستشفيات الجامعية، وتوفير وسائل تنظيم الأسرة، وفتح وحدات جديدة لتقديم الخدمات في المستشفيات الجامعية. 

في الآخر لازم نبقى عارفين إن دورنا كلنا إننا ننشر التوعية وإن لازم نخفف الضغط على الحوالينا عشان يخلفوا. 

Avatar of Rowan Mahmoud

Written by Rowan Mahmoud

Hi! I hope you're having a great day. I'm a marketing graduate who’s all about “spilling the tea”. In my articles, I’ll help you know you get all the latest news and know your final decision about many stuff.

What do you think?

Leave a Reply

Your email address will not be published. Required fields are marked *

Twitter’s tipping feature “Tips” now available to everyone

Twitter’s tipping feature “Tips” now available to everyone

Bayer Middle East Partners with the UNFPA, to support the Ministry of Health and Population’s ‘Your Right to Plan’ campaign in Egypt on World Contraception Day

Bayer Middle East Partners with the UNFPA, to support the Ministry of Health and Population’s ‘Your Right to Plan’ campaign in Egypt on World Contraception Day