in

AngryAngry OMGOMG LOLLOL WTFWTF LoveLove SadSad

أماني الخطاطبة بتطرد من الطيارة بقوة الشرطة في الولايات المتحدة، ايه اللي حصل؟

اماني الخطاطبة جالها البوليس يطردها من الطيارة علشان واحد أبيض قال انه مش مرتاحلها!

أماني الخطاطبة هي امرأة مسلمة اتولدت وعاشت معظم حياتها في الولايات المتحدة، وكانت أول مسلمة تترشح لأنتخابات الكونجرس الأمريكي في ولاية نيوجيرسي وصاحبة موقع Muslimgirl.com.

https://www.facebook.com/100005893810201/videos/1440672906139156/

أيه ده، أنتي مش White man؟ طيب، شكلك وحجابك ده مش مريحني!

يوم 14 نوفمبر 2020 أماني الخطاطبة كانت مسافرة من نيووارك لكارولاينا الشمالية علي خطوط جوية أمريكية.

وعلي حد كلام الخطاطبة، واحد من الركاب واللي كان راجل ابيض خد مكانها في الصف وطلع شنطة وسبقها للتفتيش وهي بتقلع جزمتها.

لما الخطاطبة طلبت منه يستني دوره زي كل الناس رد عليها زي اي راجل ابيض بيستعرض امتيازاته، انه درجة أولي وPre check.

الموضوع مخلصش هنا! لأ.

 من الواضح ان فكرة ان واحدة ست من أقلية عرقية ودينية تقف في وش راجل ابيض بيستمتع بأمتيازاته في أمريكا حاجة بتعصب الراجل الأبيض جداً وبتخليه قاعد مش مرتاج خالص.

وده اللي حصل في الطيارة لما بلغ طقم الطيران ان وجود الخطاطبة معاه علي نفس الطيارة مش مريحه. وحاسس انها بتجهز لحاجة.

لما راجل ابيض ميرتحش لراكبة مسلمة في الطيارة نعمل ايه؟ المنطق والاحترافية بيقولوا ايه؟

هو المنطق والاحترافية اننا نحقق في أسباب عدم ارتياح الراكب من الراكب المدعي عليه. واننا نطلب ادلة ملموسة ومثبتة تقدر تثبت ان المدعي عليه ممكن يشكل خطر في الطيارة. وعلي اساس التحقيق ده ناخد أكشن. صح؟

هو الحقيقة خطوط الطيران الأمريكية مش متفقة مع المنطق ده، وكان رد فعلهم بكل بساطة انهم يطردوا الست المسلمة من الطيارة، كدا من غير تفسير أو تحقيق أو حتي سؤال؟ ايوه، هو كدا.

مادام راجل ابيض قال انه مش مرتاح لست تنتمي لأقلية عرقية ودينية، يبقي منطق خطوط الطيران الأمريكية انها ترميها برا الطيارة.

الحلول الرشيقة هي سمة الأمريكان.

الخطاطبة رفضت طلب أمن الطيارة منها انها تنزل. وأصرت أنها لو هتنزل من الطيارة علشان اتخانقت مع راكب تاني يبقي العدل انها تنزل هي والشخص ده من الطيارة علشان المشكلة تتحل. بس طبعاً الأمن اتصرف علي اساس ان الراجل الأبيض مش ممكن يغلط أبداً.

لما مقدرش الأمن يقنع الخطاطبة تنزل من الطيارة اتصلوا بالشرطة. وجات قوات امن واجبرت الطيارة كلها انها تنزل علشان يقدروا ينزلوا الراكبة المسلمة “اللي وجودها مش مريحهم”.

أماني الخطاطبة بتطرد من الطيارة بقوة الشرطة في الولايات المتحدة، ايه اللي حصل؟

القبض علي أماني الخطاطبة بتهمة “وجودها مش مريحني”.

اتقبض علي الخطاطبة والراجل الأبيض كمل حياته بكل بساطة. في حين ان في أقلية عرقية ودينية بتتهان وبيتم رفض ادماجها داخل المجتمع الأمريكي بناءاً علي مشاعر أفراد عنصريين.

نيهاد عواد، مدير منظمة العلاقات الامريكية-الاسلامية، قالت في بيان أن اللي حصل ده مرفوض تماماً، وطالبت بتفسير من الخطوط الجوية الأمريكية.

تعليقات الأمريكان علي السوشيال ميديا، تثبت ادعاء ان امريكا عنصرية.

معظم التعليقات علي السوشيال ميديا كانت بتتهم الخطاطبة انها اتخانقت خناقة عادية، ولما اتزنقت استخدمت كارت العنصرية ضدها كأمرأة مسلمة.

بس سخرية القدر في التعليقات دي انها بتدعي ان الاقليات العرقية والدينية عندها امتياز في كونها اقليات. وبتتناسي العنصرية والضغط الاجتماعي اللي بتتعرضله الاقليات دي واللي بيدفعها لمناطق مهمشة من المجتمع.

Queen’s Gambit ازاي نيتفلكس اختصرت الحياة في رقعة شطرنج

sawtik

Spotify launches SAWTIK to celebrate emerging Arab female artists across the MENA region

Ahmed Helmy

Twitter takes a look at Ahmed Helmy and Mona Zaki’s top Tweets in honor of their shared birthday