in

WTFWTF AngryAngry OMGOMG LoveLove LOLLOL SadSad

حاجات غريبة شايفينها بتحصل في مهرجان القاهرة السينمائي بعد اتهام المخرج مغتصب

مخرج الأفلام النسوية المتهم بإغتصاب السيدات وراء الكواليس

حاجات غريبة شايفينها بتحصل في دار الأوبرا المصرية بعد اتهام مخرج مصري بالإغتصاب

أجواء من التوتر الشديد سادت علي دار الأوبرا المصرية النهاردة خلال تغطية فريق El-shai.com للسجادة الحمراء الخاصة بعرض فيلم “عنها”.

اتوقف فريق التغطية واتمنع من دخول منطقة تغطية الفيلم مع معظم الميديا اللي كانت حاضرة.

عرفنا بعد كدا أن معظم الميديا ممنوعة من دخول أي مكان ممكن يتواصلوا فيه مع الممثلين وده لأن في واحدة علي السوشيال ميديا طلعت بإتهام أن مخرج الفيلم إ.ع كان بيتحرش بيها خلال تصوير الفيلم.

وفيلم “عنها” اللي بيتم عرضه النهاردة، يوم 8 ديسمبر 2020، في مهرجان القاهرة السينمائي هو فيلم يصنف كفيلم نسوي بيدافع عن المرأة ككيان مستقل في مجتمع بيفرض عليها كل آليات السيطرة والخضوع.

الفيلم النسوي بأمتياز بيحاول يسلط الضوء علي كفاح المرأة في سبيل الحرية والأمان داخل منظومة المجتمع الذكوري.

لكن طبعاً كانت المفاجأة اللي متخطرش علي بال أن المخرج متهم من سيدتين بالتعدي الجنسي علي إحداهما في حالة عجز تام وإغتصاب الأخري بعد تخديرها.

سيدة تتهمه بأنتهاك جسدها في حالة عجز كامل عن الدفاع عن نفسها

في الشهادة دي من واحدة فضلت متكشفش عن شخصها في سبيل أمانها الشخصي، بتقول أن المخرج قرب منها في واحدة من ورشات كتابة السيناريو اللي بيديرها. ومع الوقت حسسها أنهم ممكن يكونوا أصدقاء وكان بيعاملها بطريقة فيها ود كبير لدرجة أنه كان بيسأل عنها طول الوقت لما كانت عاملة عملية في ضهرها ومش قادرة تتحرك.

عرض عليها يعملها كاستنج لفيلم جديد شغال عليه علشان تمثل فيه. ولما وافقت وطلبت يأجلوا الكاستنج لحد ما تخف من العملية، عرض عليها يروحلها البيت ويعمل الكاستنج هناك.

في البيت بدأ يحول كلامهم لإتجاهات جنسية كتير لحد ما بدأ يبوسها غصب عنها ويلمس جسمها وأنتهي بيه الأمر أنه يطلع عضوه الذكري المنتصب ويحاول يغتصبها رغم أنها مش قادرة تتحرك من مكانها.

سيدة تانية عندها 21 سنة بتتهمه بإغتصابها بعد تخديرها

البنت صاحبة الـ 21 سنة رفضت تقول اسمها علشان خايفة علي أمانها الشخصي.

بتتهم المخرج بأنه أجبرها تشرب معاه خليط من الكحول والمخدرات ولما بقت في حالة سكر تام أغتصبها.

وفي شهادتها بتوصف أزاي تاني يوم حاولت تقنع نفسها أن ده مكانش أغتصاب وأنهم الأتنين كانوا في حالة سكر وعملوا حاجة غلط.

تفاصيل تانية مرعبة في شهادتي المجني عليهم

من التفاصيل المرعبة اللي الضحيتين بيتهموا بيهم إ.ع أنه متزوج وبيدعي أنه ده زواج مفتوح وأنه بيدخل للستات عن طريق الكاستنج واللمسات الفنية العارية في التصوير.

وفي الشهادة التانية بتقول الضحية أنه كان بيفرجها علي صور بنات عريانة علشان يقنعها أنه عادي أنها تتصور كدا.

وكمان بتقول واحدة من الضحايا أنه حكالها ازاي كان عامل حفلة في بيته وممثلة مشهورة فقدت الوعي علي الكنبة وكان بيعتدي عليها جنسياً لما مراته شافته وعملت مشكلة.

هاشتاج المخرج المغتصب

بعد ظهور الشهادتين دول للضحايا علي موقع المدونة انتشر هاشتاج المخرج المغتصب علشان يملي السوشيال ميديا بحكايات مرعبة من بنات بتتهم فيها إ.ع بالتعدي الجنسي عليهم في وصف مشاهد شنيعة.

والممثلتين مريم خشت وأسماء جلال فضلوا أنهم يمشوا من المكان لما سمعوا عن الإتهامات الخطيرة دي. 

رد مهرجان القاهرة السينمائي علي الإتهامات

بعد ما الإتهامات دي طلعت بخصوص المخرج إ.ع قامت إدارة المهرجان بإلغاء الندور الخاصة بالفيلم.

وقامت ادارة مهرجان القاهرة السينمائي بعمل بيان علي السوشيال ميديا بتبين فيه إنها سمعت الإتهامات دي وهتفضل تدعم المرأة ضد أي إعتداءات أو عنف بأي شكل من الأشكال.

ولكن وضحت إدارة المهرجان أن الإتهامات ضد المخرج ما تزال مجرد إدعاءات تحت التحقيق وهتفضل تتابع التحقيق ده ولو حصل تأكيد علي الإتهامات دي هيتم استبعاد الفيلم من المسابقة.

What do you think?

Avatar

Written by Ahmed Dahabi

Blogger. Interested in cinematic, literature and fashion criticism. And the flamboyant boy, vogueing in the party

Comments

Leave a Reply

Avatar

Loading…

0
أمير المصري

أمير المصري: من أدوار الشباب في الأفلام المصرية إلى قائمة بافتا

أمير المصري

أمير المصري ينافس أنتوني هوبكنز على جائرة أفضل ممثل في BIFA