هل ممكن تختاروا اسماء اطفال غريبة لأولادكم؟

شاهيطاز العلا، صوت تلألأ قطرات الندى على ورق الجرجير يوم التلات!

هل ممكن تختاروا اسماء اطفال غريبة لأولادكم؟!

كل أم وأب لما بيعرفوا إنهم هيجيلهم مولود جديد بيتحمسوا قوي ويبدأوا في رحلة التفكير والبحث عن اسماء اطفال ممكن يختاروا منها.

وفي معظم الأوقات بيحبوا إنهم يسموا أسماء غريبة علشان بيبقوا عايزين ابنهم أو بنتهم يبقوا مميزين بالأسامي دي.

فإما بيختاروا أسامي عادية لكن بيقرروا إنهم ينطقوها بطريقة مختلفة أو غلط أو بيختاروا أسامي غير تقليدية محدش يعرف بتتنطق إزاي أصلاً وبيبقى ليهم حرية الاختيار إنهم يعرّفوا الناس على النطق الصحيح أو اللي هما شايفينه صحيح.

هل ممكن تختاروا اسماء اطفال غريبة لأولادكم؟

شاهيطاز العلا، صوت تلألأ قطرات الندى على ورق الجرجير يوم التلات!

ولكن الموضوع ده بيفتح نقطتتين للنقاش حبينا نتكلم معاكم فيهم:

النقطة الأولى:

وهي إن ساعات بيحصل نوع من أنواع التوتر شوية بين الأصحاب بسبب نطق أسامي الأولاد، يعني لو لاقيتي صاحبتك مسمية اسم أجنبي بيتنطق من الناحية اللغوية بطريقة معينة ولكنها بتنطقه غلط، هل هتقوليلها النطق الصحيح ولا هتفضّلي إنك تسكتي وتبتسمي؟

الفكرة إن في ناس ممكن تضايق من ناحية إن هما أحرار في طريقة نطق أسامي أولادهم وممكن يكون ردهم علينا لو قررنا نصلحلهم، إن دي حاجة متخصناش وده حقهم من ناحية على فكرة. ولكن من ناحية تانية ساعات بيبقى الموضوع مش لطيف لما يجبروا اللي قدامهم إنه ينطق نفس النطق خصوصاً لما يبقى مش متعود عليه أو شايف إنه غلط!. زي مثلاً اسم Elena وهو اسم أسباني معناه البريق أو النور الساطع، ممكن تلاقي واحدة بتنطقه زي اسم Ellen بس مع حرف a في الآخر Ellena أو E-l-e-na والصح إنه بيتنطق Ee-lay-na. أو مثلا اسم Kirsten اللي المفروض يتنطق KIER-sten أو KUR-sten بس في ناس بتقرر إنها تنطقه KRIS-ten! وغيرها من أسامي الأطفال اللي بيختلف فيها النطق.

والنقطة التانية:

هل انت لو أم ممكن تخاطري بإن طفلك يتعرض للتنمر بسبب اسمه؟! ليه نصعب الدنيا على أطفالنا؟ يبقى لسة متعلم إزاي يتكلم ويبقى اسمه طويل أو غريب جداً في النطق لدرجة إن هو نفسه ميبقاش عارف يجاوب لما حد يسأله، اسمك إيه؟

هل دي حاجة بسيطة بالنسبة لنا إنه نسمي اسماء اطفال غريبة قوي كدة علشان بس أطفالنا يبقوا مميزين وسط أصحابهم ومعارفهم؟ وهل كل شوية هتبقي مضطرة تعرّفي الناس الاسم ده بيتنطق إزاي ومعناه إيه؟

وللأسف في ناس بتتباهى باختيار اسماء اطفال غريبة بمعاني أغرب!، زي بالظبط في مسلسل الوصية، الممثلة ريم مصطفى كان اسمها شاهيطاز العلا، وكان معناه: صوت تلألأ قطرات الندى على ورق الجرجير يوم التلات. أه ده كان مسلسل وكان حاجة على سبيل الفكاهة بس هي بتمثل حاجة حقيقية وهو إن صاحب الاسم بيبقى محرج دائماً من اسمه .زي شاهيطاز كدة مكانتش عايزة حد يعرف اسمها الحقيقي.

وأعتقد إن ده موقف محدش يحب إنه يتحط فيه كل ما يتعرف على حد جديد أو يخلص شوية أوراق رسمية هيلاقي التريقة نازلة علية شمال ويمين. إحنا بس بننصحكم قبل اختيار الاسم إنكم تبصوا لبعيد شوية وتشوفوا هل الاسم ده هيأثر على مستقبل الطفل ونفسيته ولا لأ.

شاركينا وقوليلنا رأيك لو لاقيتي صاحبتك بتنادي على ابنها أو بنتها بنطق غير تقليدي أو غلط هتصلحيلها ولا لأ؟ وهل ممكن لو بقيتي أم تختاري اسم غريب قوي ولا هتفضلي إنه يكون مميز بس في نفس الوقت سهل في النطق؟

What do you think?

Avatar of Neveen Hammad

Written by Neveen Hammad

Leave a Reply

وراء الكواليس لبرنامج الجديد: أنت مين؟ The Masked Singer

وراء الكواليس لبرنامج: أنت مين؟ The Masked Singer علي MBC

Viking Aton

Viking Announces New Nile River Ship For 2022